شوہروں کے بہکنے کا خوف؛ خواتین نے شراب کی دکان ہی تباہ کردی

کرناٹک: بھارت میں شوہروں کے بہک جانے اور ساری رقم نشے میں لُٹانے کے خوف سے پریشان بیویوں نے دھاوا بول کر شراب کی دکان کو تباہ کردیا۔ 

بھارتی میڈیا کے مطابق ریاست کرناٹک کے دور دراز گاؤں مسلا پور میں شراب کی نئی دکان کھولی گئی تھی جس پر خواتین نے مالک سے دکان بند کرنے کی اپیل کرتے ہوئے کہا تھا کہ ہمارے شوہر کام دھندہ چھوڑ کر نشہ کرنے لگیں گے۔

اس سے قبل بھی مسلا پور کی خواتین پُر امن احتجاج کے ذریعے شراب کی دکانیں بند کروا چکی ہیں تاہم اس بار دکاندار نے شراب کا اسٹور بند کرنے سے انکار کردیا جس پر خواتین بھپر گئیں اور دکان پر دھاوا بول دیا۔

خاتون پولیس اہلکاروں کی ہر کوشش کو ناکام بناتے ہوئے لاٹھی بردار خواتین کے جتھے نے شراب کی بوتلیں، کرسیاں اور میزیں توڑ دیں اور دکان کو بری طرح نقصان پہنچا کر تالا بھی لگا دیا۔

مشتعل خواتین نے دھمکی دی کہ اگر گاؤں میں دوبارہ شراب کا اسٹور کھولنے کی کوشش کی گئی تو ہم اپنے گھروں کو بچانے کے لیے اس دکان کو بھی اسی طرح برباد کردیں گے۔

50 امرأة من قرية "موسلابور" بولاية كارنتاكا الهندية هجموا على متجر خمور افتُتح حديثاً ودمروه بالكامل، النساء حذرن سابقاً أي شخص يقوم بافتتاح محل خمر في قريتهم خوفاً على أزواجهم من الإدمان ثم صرف جميع أموالهم على الشراب وبالتالي دمار عوائلهم.pic.twitter.com/JUXTsHWfDA

— إياد الحمود (@Eyaaaad) November 16, 2021

خواتین کی شراب کی دکان میں توڑ پھوڑ کی ویڈیو وائرل ہوگئی جس پر صارفین نے خواتین کی ہمت داد دیتے ہوئے کہا کہ نشے کی لعنت کے خاتمے کے لیے ہم سب کو مزاحمت کرنی چاہیئے۔