امریکا نے روسی صدر کی بیٹیوں پر پابندیاں عائد کر دیں

ویب ڈیسک  جمعـء 8 اپريل 2022
صدرپوٹن کی ایک بیٹی روسی محکمہ دفاع کے لئے کام کرتی ہیں اوردوسری حکومتی امدادی پروگرامز کی سربراہ ہیں:فوٹو:فائل

صدرپوٹن کی ایک بیٹی روسی محکمہ دفاع کے لئے کام کرتی ہیں اوردوسری حکومتی امدادی پروگرامز کی سربراہ ہیں:فوٹو:فائل

 واشنگٹن: امریکا نے روسی صدرکی بیٹیوں اورروسی وزیرخارجہ کی اہلیہ اوربیٹی پرپابندیاں عائد کردیں۔

غیرملکی خبرایجنسی کے مطابق یوکرین پر روسی جارحیت کے خلاف امریکا نے روسی صدر  ولادیمیر پیوٹن کی دو بیٹیوں  کیٹرینہ اورماریا پرپابندی عائد کردی۔

صدرپوٹن کی بیٹی کیٹرینہ ٹیکنالوجی کے شعبے سے وابستہ ہیں اورروس کی وزارت دفاع کے لئے کام کرتی ہیں۔ روسی صدرکی دوسری بیٹی حکومت کی امداد سے چلنے والے مختلف پروگرامز کی سربراہ ہیں۔

بائیڈن انتظامیہ کے سینئراہلکار نے میڈیا سے گفتگو میں کہا کہ ہمیں یقین ہے کہ روسی صدرنے خاندان کے افراد کے ذریعے اپنی  دولت چھپائی ہے۔یہی وجہ ہے کہ ان کی بیٹیوں پرپابندیاں عائد کی گئی ہیں۔

روسی وزیرخارجہ کی اہلیہ اوربیٹی پربھی پابندیاں لگائی گئی ہیں جبکہ روسی بینک بھی امریکا کی نئی پابندیوں کی زد میں آئے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔