SYDNEY: لاہور میں ضمنی انتخاب سے قبل پاکستان مسلم لیگ ن کے امیدوار کی پیسے تقسیم کرنے کی ویڈیو منظر عام پر آگئی ہے۔

ایکسپریس نیوز کو موصول ہونیوالی ویڈیو میں پی پی 167 سے مسلم لیگ ن کے امیدوار نذ یر چوہان کو پیسے بانٹتے ہوئے دیکھاجسکتا ہے۔

پنجاب کی 20 نشستوں پر ہونے والے ضمنی انتخاب کیلئے ووٹنگ 17جولائی کو ہوگی، انتخاب کے دوران مسلم لیگ ن اور تحریک انصاف سمیت پیپلز پارٹی و دیگر سیاسی جماعتوں کے درمیان کانٹےکامقابلہ ہے۔

واضح رہے کہ الیکشن کمیشن کی طرف سے گزشتہ رات 12 بجےکے بعد سے انتخابی مہم چلانے پر پابندی ہے۔