14 اگست پر پی آئی اے کے کرایوں میں رعایت کا اعلان

 کراچی: پاکستان کے 75 ویں یوم آزادی کے موقع پر پاکستان انٹرنیشنل ایئر لائنز (پی آئی اے) نے مسافروں کو بڑی پیشکش کردی۔

قومی ایئر لائن نے کل 14 اگست کو یوم آزادی کے روز اندرون ملک سفر پر کرایوں میں 14 فیصد ڈسکاؤنٹ دینے کا اعلان کردیا۔ ترجمان پی آئی اے کا کہنا ہے کہ یہ رعایت آزادی کے جشن میں پی آئی اے کی جانب سے ہم وطنوں کیلئے تحفہ ہے،  تاکہ وہ جشن آزادی اپنے پیاروں کے ساتھ ملک کے اندر جہاں منانا چاہیں دل کھول کر منائیں۔

ترجمان کا کہنا تھا کہ ہم وطن عزیز میں عید اور جشن آزادی سمیت خوشیوں کے مختلف مواقع پر ہمیشہ اپنے مسافروں کیلئے تحفہ کے طور پر ہر سال رعایت کا اعلان کرتے ہیں۔

On this Independence Day August 14th, #PIA offers an amazing 14% discount on all domestic travel on that special day. So surprise your loved ones and travel to celebrate 75th Anniversary of Freedom.#pakistanzindabaad #independanceday #14august #azadi_offer pic.twitter.com/koKnaLQvIN

— PIA (@Official_PIA) August 13, 2022