پختونخوا 24 گھنٹوں میں مزید 284 افراد ڈینگی مچھر کا شکار

صوبے میں ڈینگی سے متاثرہ افراد کی مجموعی تعداد 5264 ہوگئی (فوٹو فائل)

---

خیبرپختونخوا میں گزشتہ 24 گھنٹوں کے دوران مزید 284 افراد ڈینگی وائرس کا شکار ہو گئے۔

ایکسپریس نیوز کے مطابق صوبے میں ڈینگی سے متاثرہ افراد کی مجموعی تعداد 5264 ہوگئی ہے اور متاثرہ 32 افراد کو اسپتالوں میں داخل کرادیا گیا ہے۔ حکام کی جانب سے جاری رپورٹ میں بتایا گیا ہے کہ ضلع پشاور سے ڈینگی کے نئے 126 کیسز رپورٹ ہونے کے بعد مجموعی تعداد 1094 ہوگئی ہے۔

اعداد و شمار کے مطابق مردان سے ڈینگی کے نئے 66 کیسز رپورٹ ہونے کے بعد تعداد 1724 ہوگئی جب کہ نوشہرہ سے ڈینگی کے نئے 22 کیسز رپورٹ ہونے کے بعد وہاں مجموعی تعداد 451 ہوگئی۔ اُدھر ہری پور سے ڈینگی کے نئے 22 کیسز رپورٹ ہونے کے بعد تعداد 340 ہوگئی۔

علاوہ ازیں مانسہرہ سے ڈینگی کے نئے 22 کیسز رپورٹ ہوئے جس کے بعد کل تعداد 53 ہوگئی۔ بنوں سے ڈینگی کے نئے 11 کیسز رپورٹ ہونے کے بعد تعداد 39 ہوگئی۔ حکام کے مطابق صوبے میں ڈینگی سے اب تک 6 اموات ہوچکی ہیں۔