پی ٹی آئی رہنما شہریار آفریدی کے گھر پر دستی بم حملہ

کوہاٹ: خیبرپختونخواہ کے ضلع کوہاٹ میں پاکستان تحریک انصاف کے رہنما اور سابق وفاقی وزیر شہریار آفریدی کے گھر پر دستی بم حملہ ہوا۔

ڈی آئی جی کوہاٹ کے مطابق سابق وفاقی وزیر کے گھر کے دروازے پر نامعلوم افراد دستی بم پھینک کر گئے جو زور دار دھماکے سے پھٹ گیا۔ دھماکے کے نتیجے میں کوئی جانی نقصان نہیں ہوا تاہم دروازے اور دیواروں کو نقصان پہنچا ہے۔

شہریار آفریدی نے واقعے کے فوری بعد پولیس کو آگاہ کیا جس پر متعلقہ تھانے کی بھاری نفری اُن کی رہائش گاہ پہنچی اور کرائم سین کو سیل کر کے شواہد اکھٹے کیے۔ ڈی آئی جی کوہاٹ نے کہا ہے کہ واقعے کی مزید تحقیقات جاری ہیں۔

ALERT: Unknown persons hurled a grenade at the house of senior leader of Pakistan Tehrik-e-Insaf (PTI) and former Interior Minister Shehryar Afridi in Kohat. The grenade fell near the gate of the house and exploded. Police have begun investigating the matter. pic.twitter.com/hCXoUnjrzC

— The Khorasan Diary (@khorasandiary) September 22, 2022

دوسری جانب پی ٹی آئی کے سینئر رہنما اعجاز چوہدری نے سماجی رابطے کی سائٹ ٹویٹر پر شہریار آفریدی کے گھر پر دستی بم حملے کے حوالے سے بتایا اور لکھا کہ اللہ اُن کی حفاظت فرمائے اور پاکستان کے دشمنوں کو نیست و نابود کرے۔