پاکستانی پاسپورٹ پر افغانیوں کی تصویر لگا کر بیرون ممالک بھیجنے والا گرفتار

ویب ڈیسک  جمعرات 29 ستمبر 2022
ملزم کے قبضے سے 9 پاکستانی پاسپورٹ برآمد، ملزم تصویریں تبدیل کرنے کے عوض افغان باشندوں سے بھاری رقم وصول کرتا تھا (فوٹو : فائل)

ملزم کے قبضے سے 9 پاکستانی پاسپورٹ برآمد، ملزم تصویریں تبدیل کرنے کے عوض افغان باشندوں سے بھاری رقم وصول کرتا تھا (فوٹو : فائل)

 پشاور: پاکستانی پاسپورٹ پر افغانیوں کی تصویر لگا کر بیرون ممالک بھیجنے والے گروہ کا مبینہ رکن گرفتار ہوگیا۔

ترجمان ایف آئی اے کے مطابق پشاور میں ایک کارروائی کے دوران ملزم محمد اسحاق کے قبضے سے 9 پاکستانی پاسپورٹ، پرنٹر، لیپ ٹاپ اور دیگر جعلی دستاویزات برآمد ہوئی ہیں، ملزم پاسپورٹ پر تصویریں تبدیل کرنے کا ماہر ہے، ملزم پاکستانی پاسپورٹ پر تصویریں بدلنے کے عوض افغانیوں سے بھاری رقم وصول کرتا تھا۔

ترجمان ایف آئی اے کے مطابق ملزم سے تفتیش جاری ہے، دیگر ساتھی بھی جلد گرفتار کرلیے جائیں گے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔