لاہور میں تندور مالکان کا روٹی نان کی قیمت میں از خود اضافہ

لاہور میں تندور مالکان نے روٹی نان کی قیمتوں از خود اضافہ کرتے ہوئے پندرہ روپے والا نان 20 روپے میں بیچنا شروع کردیا۔

ایکسپریس نیوز کے مطابق پنجاب کے دارالحکومت لاہور میں ایک مرتبہ پھر نان بائیوں نے روٹی کی قیمتوں کے معاملے میں اپنی من مانی کرتے ہوئے روٹی نان کی قیمت میں از خود اضافہ کردیا ہے۔

ذرائع کا کہنا ہے کہ تندور مالکان نے روٹی پندرہ نان 20 روپے فروخت کرنا شروع کردیا، اس حوالے سے تندور مالکان ایسوسی ایشن صدر افتاب کا کہنا ہے کہ مہنگا آٹا خرید کر سستی روٹی نان کیسے فروخت کریں۔

روٹی کی قیمتوں میں اضافے پر نوٹس لیتے ہوئے ضلعی انتظامیہ نے روٹی نان زائد قیمت فروخت کرنے والوں کے خلاف کاروائی کرنے کے احکامات جاری کردئیے۔

ضلعی انتظامیہ کا کہنا ہے کہ روٹی نان مقررہ قیمت سے زائد قیمت پر فروخت کرنے والوں کی گرفتار کیا جائے گا۔