- حماس نے قطر اور مصر کی جنگ بندی کی تجویز مان لی
- سعودی ولی عہد ہر سطح پر پاکستان کی مدد کرنا چاہتے ہیں، وزیراعظم
- بلوچستان کے مسائل سیاسی ڈائیلاگ کے ذریعے حل ہونے چاہئیں، صدر مملکت
- کراچی سے بھارتی خفیہ ایجنسی کے 2 انتہائی خطرناک دہشت گرد گرفتار
- جسٹس بابر ستار کے خلاف مہم چلانے پر توہین عدالت کی کارروائی کا فیصلہ
- حکومت سندھ نے پیپلزبس سروس میں خودکار کرایہ وصولی کا نظام متعارف کرادیا
- سعودی ولی عہد کا رواں ماہ دورۂ پاکستان کا امکان
- سیاسی بیانات پر پابندی کیخلاف عمران خان کی اسلام آباد ہائیکورٹ میں درخواست دائر
- ٹی ٹوئنٹی ورلڈ کپ 2024 کیلئے قومی ٹیم کی نئی کِٹ کی رونمائی
- نازک حصے پر کرکٹ کی گیند لگنے سے 11 سالہ لڑکا ہلاک
- کے پی وزرا کو کرایے کی مد میں 2 لاکھ روپے ماہانہ کرایہ دینے کی منظوری
- چینی صدر کا 5 سال بعد یورپی ممالک کا دورہ؛ شراکت داری کی نئی صف بندی
- ججز کا ڈیٹا لیک کرنے والے سرکاری اہلکاروں کیخلاف مقدمہ اندراج کی درخواست دائر
- کراچی میں ہر قسم کی پلاسٹک کی تھیلیوں پر پابندی کا فیصلہ
- سندھ ؛ رواں مالی سال کے 10 ماہ میں ترقیاتی بجٹ کا 34 فیصد خرچ ہوسکا
- پنجاب کے اسکولوں میں 16 مئی کو اسٹوڈنٹس کونسل انتخابات کا اعلان
- حکومت کا سپریم کورٹ کے مخصوص نشستوں کے عبوری فیصلے پر تحفظات کا اظہار
- طعنوں سے تنگ آکر ماں نے گونگے بیٹے کو مگرمچھوں کی نہر میں پھینک دیا
- سندھ میں آم کے باغات میں بیماری پھیل گئی
- امریکی سفیر ڈونلڈ بلوم سے پی ٹی آئی قیادت کی ملاقات، قانون کی حکمرانی پر گفتگو
لاپتہ کارکن، آج ایم کیو ایم کے تحت پریس کلب پرمظاہرہ ہوگا
کراچی: متحدہ قومی موومنٹ کی رابطہ کمیٹی نے کہاہے کہ ایم کیوایم کے کارکنوں اورہمدردوں کی غیرقانونی گرفتاریوں، انھیں لاپتہ کرنے، کارکنوں کے ماورائے عدالت قتل اورٹارگٹ کلنگ کے بڑھتے ہوئے واقعات کے خلاف آج (جمعرات کو) شام 5 بجے کراچی پریس کلب پر ایک پرامن احتجاجی مظاہرہ کیاجائے گا۔
ایک بیان میں رابطہ کمیٹی نے کہاکہ کراچی میں پولیس اورکالے شیشوں والی بغیر نمبرپلیٹ والی ڈبل کیبن گاڑیوں میں سوارسادہ لباس اہلکاروں کی جانب سے ایم کیوایم کے کارکنوں اورہمدردوں کو گرفتار کیا جارہا ہے، انھیں تھانوں، مختلف ٹارچرسیلوں میں رکھ کروحشیانہ تشددکانشانہ بنایارہاہے، مختلف مقدمات میں ملوث کرنے کی دھمکیاں دے کران کی رہائی کیلیے اہل خانہ سے لاکھوں روپے رشوت لی جارہی ہے، انھیں لاپتہ کیا جارہا ہے اورگرفتار شدگان کوعدالتوں میں پیش کرنے کے بجائے ماورائے عدالت قتل کرکے مسخ لاشیں پھینکی جارہی ہیں، گزشتہ ایک ماہ کے دوران ایم کیوایم کے 5 لاپتہ کارکنوںکی مسخ لاشیں مل چکی ہیں۔
رابطہ کمیٹی نے کارکنان وعوام سے اپیل کی کہ وہ اس احتجاجی مظاہرے میں شرکت کریں اورظلم کے خلاف بھرپور احتجاج کریں۔ دریں اثنا ایک بیان میں رابطہ کمیٹی نے کراچی کے مختلف علاقوں میں پولیس اور قانون نافذ کرنے والے دیگر اداروںکی جانب سے ایم کیوایم کے ذمے داروں،کارکنان اورہمدردوں کے گھروں پرغیرقانونی چھاپوںاور گرفتاریوں کی سخت ترین الفاظ میں مذمت کی ہے۔ رابطہ کمیٹی نے کہاکہ ڈبل کیبن گاڑیوں میں سوار ڈیتھ اسکواڈ کے سادہ لباس میں ملبوس اہلکاروں کی جانب سے ایم کیوایم کے بے گناہ کارکنان کی گرفتاریوں کا سلسلہ بدستورجاری ہے اور گزشتہ کئی دنوں سے گرفتارکیے جائے والے کارکنان کے بارے میں آج کے دن تک کچھ بتایا نہیں جارہا کہ انھیں کیوں اورکس نے گرفتارکیا ہے اورگرفتارکرکے کہاں رکھا گیا ہے۔
رابطہ کمیٹی نے کہاکہ منگل کی رات سے بدھ تک ایم کیوایم کے مزید11 کارکنان وہمدردوں کو گرفتارکیا گیا ہے۔ رابطہ کمیٹی نے مزید کہاکہ منگل 15 اپریل کوایم کیوایم اسکیم 33 سیکٹرکے یونٹ احسن آباد کے کارکنان عبدالرزاق، محمدرمیز، محمد نذیر، ایم کیوایم لانڈھی سیکٹرکے یونٹ 87 کے کارکن کلیم الدین کوگرفتار کرلیا گیاجبکہ آج 16 اپریل کو سرکاری اہلکاروں نے ایم کیوایم لیاقت آباد سیکٹرکے یونٹ 158 کے کارکن محمد عادل، یونٹ 159 کے کارکن سید محمد یاور، اورنگی ٹاؤن سیکٹرکے یونٹ 118-A کے کارکن شہباز، سرجانی ٹاؤن سیکٹرکے سرکل انچارج جاوید قریشی، ایم کیوایم بلدیہ ٹاؤن سیکٹرکے یونٹ 116 کے ہمدرد محمد شکیل، یونٹ 117 کے کارکن محمد رفیق اوراسی یونٹ کے ہمدرد عمران کو گرفتارکرلیا۔
رابطہ کمیٹی نے کہاکہ گزشتہ 48 گھنٹوں میں ایم کیوایم کے 3 کارکنوں کوشہیداورکئی کارکنوں کو زخمی کیا جاچکاہے، اردوبولنے والے ڈاکٹروں، پروفیسروں اور وکیلوں کو قتل کیاجارہا ہے اور شہریوں کے جان ومال کو کسی بھی قسم کاتحفظ حاصل نہیں لیکن سندھ حکومت کے بعض وزرا کراچی میں ٹارگٹڈ آپریشن کی کامیابی کے دعوے کرکے شہریوں کے زخموں پر نمک پاشی کررہے ہیں۔ رابطہ کمیٹی نے وزیراعظم ، وفاقی وزیرداخلہ ، گورنر سندھ اور وزیراعلیٰ سندھ سے مطالبہ کیاکہ ایم کیوایم کے بے گناہ ذمے داران ، کارکنان اور ہمدردوں کی غیرقانونی گرفتاریوں کا سنجیدگی سے نوٹس لیا جائے، غیرقانونی چھاپوں اور گرفتاریوں کا سلسلہ فی الفور بند کرایا جائے اور تمام گرفتارشدگان کی بازیابی کیلیے عملی اقدام کیے جائیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔