آج آسٹریلیا سے 20 سال پُرانا بدلہ لینا ہے آیوشمان کھرانہ
ٹرافی ہمیں ہی جیتنی ہے، آیوشمان کھرانہ
بالی ووڈ اداکار آیوشمان کھرانہ نے کہا ہے کہ آئی سی سی ورلڈ کپ 2023 کے فائنل میں آسٹریلیا کو شکست دے کر بھارت اپنا 20 سال پُرانا بدلہ لے گا۔
آج احمد آباد کے نریندر مودی کرکٹ اسٹیڈیم میں بھارت اور آسٹریلیا کے درمیان ورلڈ کپ کا فائنل کھیلا جارہا ہے جس میں آسٹریلوی ٹیم کے کپتان پیٹ کمنز نے ٹاس جیت کر پہلے فیلڈنگ کرنے کا فیصلہ کیا ہے۔
میگا ایونٹ کا فائنل دیکھنے کے لیے جہاں شائقین کرکٹ اسٹیڈیم میں موجود ہیں تو وہیں بالی ووڈ کی مشہور شخصیات بھی اپنی ٹیم کو سپورٹ کرنے کے لیے نریندر مودی کرکٹ اسٹیڈیم آگئی ہیں۔
مزید پڑھیں: ورلڈکپ فائنل سے قبل تنازع؛ کمنز نے پچ پر اعتراضات اٹھادیئے
ایسے میں بالی ووڈ اداکار آیوشمان کھرانہ اسٹیڈیم جانے سے قبل بھارتی ٹیم کا حوصلہ بُلند کرنے کے لیے سماجی رابطے کی ویب سائٹ ایکس (سابق ٹوئٹر) پر پوسٹ کی۔
آیوشمان کھرانہ نے اپنی میرر سیلفی پوسٹ کی جس میں اُن کی نمبر 5 والی جرسی بھی دیکھی جاسکتی ہے جس پر اداکار کا نام بھی لکھا ہوا ہے۔
بالی ووڈ اداکار نے اپنی پوسٹ میں کہا کہ "میں اپنے دل میں بہت ساری اُمیدیں لیے نریندر مودی کرکٹ اسٹیڈیم میں بھارت اور آسٹریلیا کا میچ دیکھنے جارہا ہوں"۔
اُنہوں نے کہا کہ "مجھے نہیں لگتا کہ کوئی بھی بھارتی 2003 کا ورلڈ کپ بھولا ہوگا، اب ہمیں آسٹریلیا سے اپنا وہ 20 سال پُرانا بدلہ لینا ہے"۔
مزید پڑھیں: انوشکا شرما بیٹی کے ہمراہ فائنل دیکھنے پہنچ گئیں، ویڈیو وائرل
آیوشمان کھرانہ نے بھارتی کرکٹرز کا حوصلہ بُلند کرتے ہوئے کہا کہ "ٹرافی ہمیں ہی جیتنی ہے"۔
واضح رہے کہ سال 2003 کے آئی سی سی ورلڈکپ میں آسٹریلیا نے بھارت کو یکطرفہ مقابلے میں 125 رنز سے شکست دی تھی۔