- شادی کیلیے نوکری کی شرط، امیدوار نے درخواستِ ملازمت میں اپنا ’حالِ دِل‘ لکھ دیا
- اوورسیز ترسیلات زر کا حجم 8 ارب ڈالر سے تجاوز
- وفاقی حکومت امپورٹ سبسٹیٹیوٹ پالیسی پر گامزن
- ڈبہ دودھ پر ٹیکس، صارفین پر عملاً 250 ارب کا بم
- ٹی 20 ورلڈ کپ، بنگلہ دیش نے سپر 8 مرحلے کے لیے کوالیفائی کر لیا
- بابر اعظم سمیت 6 کرکٹرز کا فوری وطن واپس نہ آنے کا فیصلہ
- ٹی 20 ورلڈ کپ، سری لنکا نے نیدرلینڈز کو 83 رنز سے شکست دے دی
- ملک بھر میں عیدالاضحیٰ کی نماز کے بعد سنت ابراہیمی کی پیروی شروع
- بجٹ منظوری کے بعد سولر پینلز کی قیمتوں میں مزید کمی متوقع
- غلطیاں باربار دہرانے پر مصباح الحق کی پاکستان ٹیم پر شدید تنقید
- احسان سوات میں ری ہیبلی ٹیشن مکمل کریں گے
- بارش کی دخل اندازی ؛ آئی سی سی پر تنقید کے تیر برس پڑے
- سلیکشن کمیٹی کو تحلیل کرنے کی بازگشت سنائی دینے لگی
- فلسفۂ قربانی اور عصرِ حاضر
- عیدالاضحیٰ پر صدرمملکت اور وزیراعظم کی جانب سے قوم کو مبارک باد
- کراچی: بلدیہ ٹاؤن میں بے قابو گائے کی ٹکر سے ایک شخص جاں بحق
- موٹروے پولیس نے لاکھوں کے گم شدہ زیوارت خاتون کو لوٹا دیے
- ضلع خیبر میں سیکیورٹی فورسز کے آپریشن میں پانچ دہشتگرد ہلاک
- آخری گروپ میچ میں آئرلینڈ کو شکست، پاکستان کا ٹی 20 ورلڈ کپ میں سفراختتام پذیر
- اڈیالہ جیل کے باہر پی ٹی آئی کارکنان کا احتجاج، 7 گرفتار
اسلام آباد پر حملے کی دھمکی دینے والے کا حشر 9 مئی والوں جیسا ہوگا، شرجیل میمن
کراچی: سندھ کے سینئر وزیر شرجیل انعام میمن نے گزشتہ برس مئی میں پیش آنے والے واقعات کو تاریخ کا سیاہ باب قرار دیتے ہوئے کہا ہے کہ 9 مئی کو دہشت گردی کرنے والوں کا جو حشر ہوا ہے وہی اسلام آباد پر حملے کی دھمکی دینے والے کا بھی ہوگا۔
کراچی میں صوبائی سینئر وزیر شرجیل انعام میمن نے ریڈ لائن بی آر ٹی کے تعمیراتی کام کے دورے کے موقع پر میڈیا سے بات چیت کے دوران صحافیوں کے سوالوں کا جواب دیتے ہوئے کہا کہ 9 مئی پاکستان کی تاریخ کا سیاہ ترین اور بدترین دن ہے، اس دن عوام کو جلاؤ گھیراؤ کی ترغیب دے کر انتشار پھیلایا گیا، پی ٹی آئی نے 9 مئی کو عوام کو ورغلایا کہ سڑکوں پر آئیں اور املاک کو نقصان پہنچائیں، بسوں کو نذر آتش کیا گیا، ایمبولنسز کو آگ لگائی گئی، یہاں تک کہ جناح ہائوس جیسی جگہ کو بھی نہیں بخشا گیا۔
انہوں نے کہا کہ 9 مئی کو دہشت گردی کا مظاہرہ کیا گیا، عوام سے کہنا چاہتا ہوں کہ جو بھی لیڈر جلاؤ گھیراؤ کی ترغیب دے یا جو بھی جماعت اقتدار کی ہوس میں نوجوانوں کو گمراہ کرے اس کی بات نہیں سننی چاہیے۔
صوبائی وزیر نے کہا کہ 9 مئی کو معصوم بچوں اور بہنوں کو عمران خان نے استعمال کیا، جن لوگوں کو عمران خان نے 9 مئی کو استعمال کیا وہ سارے جیلوں میں ہیں جبکہ عمران خان کے اپنے بچے لندن میں ٹھنڈی ہواؤں میں گھوم رہے ہیں۔
ان کا کہنا تھا کہ جو حشر 9 مئی کرنے والوں کا ہوا، اسلام آباد پر حملے کی دھمکیوں والے کا بھی وہی حشر ہوگا۔
شرجیل انعام میمن نے کہا کہ اگر پیپلز پارٹی آج وفاقی وزارتوں میں نہیں ہے اس کا مطلب یہ نہیں کہ پیپلز پارٹی جمہوری عمل میں کوئی رکاوٹ پیدا کر رہی ہے، وفاقی حکومت کا حصہ بننے یا نہ بننے پر پیپلز پارٹی سی ای سی کے فیصلوں کی پابند ہے، ذمہ دار پارٹی کی حیثیت سے پیپلز پارٹی حکومت کے ساتھ کھڑی ہوگی۔
ان کا کہنا تھا کہ پیپلز پارٹی عوام و قوم کے مفاد اور ملکی ترقی کے لیےحکومت کے ساتھ ہوگی اور ملکی ترقی کے ہر فیصلے میں ہم وفاق کے ساتھ کھڑے ہیں۔
سندھ کے سینئر وزیر نے ٹرانسپورٹ کی صورت حال پر بات کرتے ہوئے کہا کہ ریڈ لائن بی آر ٹی کا کام 2022 میں کام شروع ہوا، مہنگائی کے باعث نگران دور حکومت میں پروجیکٹ پر کام روک دیا گیا تھا۔
انہوں نے کہا کہ جناح ایونیو پر ریڈ لائن بی آر ٹی کا کام تین ماہ کے اندر مکمل کرنے کی ہدایت کی ہے، بسوں کی لاگت کم ہوتی ہے انفرااسٹرکچر پر زیادہ لاگت آتی ہے، حکومت سندھ کی جانب سے ریڈ لائن بی آر ٹی پر ایک مرتبہ پھر کام شروع کروایا ہے۔
شرجیل انعام میمن نے کہا کہ چند لوگ مایوسی کی باتیں پھیلاتے اور عوام کو مایوس کرتے ہیں اور سوشل میڈیا پر منفی خبریں دے رہے ہیں، تاہم، پاکستان مزید کسی بھی ایڈونچر کا متحمل نہیں ہو سکتا۔
انہوں نے کہا کہ یلو لائن بی آر ٹی پر بھی کام شروع ہو چکا ہے، ورلڈ بینک کے تعاون سے بہت سارے منصوبے شہر میں چل رہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔