- حماس نے قطر اور مصر کی جنگ بندی کی تجویز مان لی
- سعودی ولی عہد ہر سطح پر پاکستان کی مدد کرنا چاہتے ہیں، وزیراعظم
- بلوچستان کے مسائل سیاسی ڈائیلاگ کے ذریعے حل ہونے چاہئیں، صدر مملکت
- کراچی سے بھارتی خفیہ ایجنسی کے 2 انتہائی خطرناک دہشت گرد گرفتار
- جسٹس بابر ستار کے خلاف مہم چلانے پر توہین عدالت کی کارروائی کا فیصلہ
- حکومت سندھ نے پیپلزبس سروس میں خودکار کرایہ وصولی کا نظام متعارف کرادیا
- سعودی ولی عہد کا رواں ماہ دورۂ پاکستان کا امکان
- سیاسی بیانات پر پابندی کیخلاف عمران خان کی اسلام آباد ہائیکورٹ میں درخواست دائر
- ٹی ٹوئنٹی ورلڈ کپ 2024 کیلئے قومی ٹیم کی نئی کِٹ کی رونمائی
- نازک حصے پر کرکٹ کی گیند لگنے سے 11 سالہ لڑکا ہلاک
- کے پی وزرا کو کرایے کی مد میں 2 لاکھ روپے ماہانہ کرایہ دینے کی منظوری
- چینی صدر کا 5 سال بعد یورپی ممالک کا دورہ؛ شراکت داری کی نئی صف بندی
- ججز کا ڈیٹا لیک کرنے والے سرکاری اہلکاروں کیخلاف مقدمہ اندراج کی درخواست دائر
- کراچی میں ہر قسم کی پلاسٹک کی تھیلیوں پر پابندی کا فیصلہ
- سندھ ؛ رواں مالی سال کے 10 ماہ میں ترقیاتی بجٹ کا 34 فیصد خرچ ہوسکا
- پنجاب کے اسکولوں میں 16 مئی کو اسٹوڈنٹس کونسل انتخابات کا اعلان
- حکومت کا سپریم کورٹ کے مخصوص نشستوں کے عبوری فیصلے پر تحفظات کا اظہار
- طعنوں سے تنگ آکر ماں نے گونگے بیٹے کو مگرمچھوں کی نہر میں پھینک دیا
- سندھ میں آم کے باغات میں بیماری پھیل گئی
- امریکی سفیر ڈونلڈ بلوم سے پی ٹی آئی قیادت کی ملاقات، قانون کی حکمرانی پر گفتگو
اکتوبر میں آل پاکستان پولیس اسپورٹس ویک منعقد کرنے کا اعلان
کراچی: سندھ پولیس نے اکتوبر میں ہونے والے آل پاکستان پولیس اسپورٹس ویک میں بھرپور حصہ لینے کا اعلان کردیا، اس سلسلے میں ڈسٹرکٹ اور رینجز کی سطح پر ٹیمیں تشکیل دینے کا حکم دے دیا گیا، آئندہ ہفتے سے عملدرآمد کا آغاز کردیا جائے گا۔
سندھ پولیس اسپورٹس بورڈ کے چیئرمین ڈی آئی جی کیپٹن ریٹائرڈ طاہر نوید نے ایکسپریس سے خصوصی گفتگو کرتے ہوئے کہا کہ سندھ پولیس کے افسران و اہلکاروں کو تفریحی اور صحت مند سرگرمیوں کی اشد ضرورت تھی، آخری مرتبہ 2011 میں اسپورٹس ویک منعقد ہوا تھا جس کے بعد مختلف وجوہات کی بنا پر کھیلوں کی سرگرمیاں جمود کا شکار رہیں، اب ایک مرتبہ پھر ان سرگرمیوں کے آغاز کا فیصلہ کیا گیا ہے۔
اسپورٹس ویک کی تفصیلات سے آگاہ کرتے ہوئے طاہر نوید نے بتایا کہ آئندہ ہفتے سے سندھ پولیس میں ڈسٹرکٹ کی سطح پر کرکٹ ، فٹبال ، والی بال اور دیگر گیمز کی ٹیمیں تشکیل دی جائیں گی ، ان کے درمیان مقابلے کرائے جائیں گے جس کے بعد رینجز کی سطح پر مقابلے ہوں گے، فاتح ٹیمیں بین الصوبائی مقابلوں میں شرکت کریں گی، ڈی آئی جی نے ایکسپریس کو مزید بتایا کہ ماہ اکتوبر میں آل پاکستان پولیس اسپورٹس ویک منعقد ہوگا جس میں پنجاب، خیبر پختونخوا، بلوچستان، گلگت بلتستان، کشمیر، موٹر ویز پولیس سمیت ملک بھر کی پولیس کی ٹیمیں شرکت کریں گی، سندھ پولیس اس میں بھرپور حصہ لے گی۔
علاوہ ازیں اس سلسلے میں آئی جی سندھ غلام حیدر جمالی کی صدارت میں سینٹرل پولیس آفس میں سندھ پولیس اسپورٹس بورڈ کا اہم اجلاس منعقد ہوا ،جس میں بورڈ کے چیئرمین ڈی آئی جی طاہر نوید ، ڈی آئی جی ہیڈ کوارٹرز سندھ مشتاق مہر، اے آئی جی آپریشنز سندھ، اے آئی جی ویلفیئر سندھ اور اے آئی جی ایڈمن کے علاوہ دیگر افسران شریک ہوئے، آئی جی سندھ نے ڈی آئی جی مشتاق مہر کو ہدایات دیتے ہوئے کہا کہ تمام ریجن کے ڈی آئی جیز کو تحریری احکامات جاری کیے جائیں کہ متعلقہ پولیس رینج میں کھیلوں کی سرگرمیاں شروع کرائی جائیں، انھوں نے کہا کہ ان سرگرمیوں سے پولیس افسران و اہلکار ذہنی و جسمانی طور پر صحت مند رہیں گے ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔