پاک بھارت مذاکرات منسوخی کے ذمے دارمودی ہیں، نیویارک ٹائمز

نیویارک: امریکاکے معروف اخبارنیویارک ٹائمزنے پاکستان کے ساتھ مذاکرات منسوخ کرنے کے حوالے سے بھارتی وزیر اعظم نریندرمودی کو موردالزام ٹھہرایاہے۔

نیویارک ٹائمزکے ایک مضمون میں کہا گیاہے کہ مذاکرات کی منسوخی کافیصلہ بھارت کی جانب سے غیرضروری ردعمل تھا، خاص طورپر اس وقت جب کہ شکایات پرتبادلہ خیال اوراس کے حل کے لئے دباؤ ڈالنے کاایک موقع حاصل ہوسکتا تھا۔

واضح رہے کہ بھارت نے نئی دلی میں تعینات پاکستانی ہائی کمشنر عبدالباسط کی حریت پسند کشمیری رہنماؤں سے ملاقات کو بہانا بنا کر اسلام آباد میں 25 اگست کو ہونے والے سیکرٹری خارجہ مذاکرات منسوخ کرنے کا اعلان کیا ہے۔