- فیض آباد دھرنا فیصلے پر عمل ہوتا تو 9 مئی کا واقعہ بھی شاید نہ ہوتا،چیف جسٹس
- یقین ہے اس بار ٹی ٹوئنٹی ورلڈکپ ساتھ لائیں گے؛ بابراعظم
- پاکستانی نوجوان سعودی کمپنیوں کے ساتھ مل کر چھوٹے کاروبار شروع کریں گے، وفاقی وزرا
- سونے کی عالمی اور مقامی مارکیٹوں میں قیمتوں میں بڑا اضافہ
- جنوبی وزیرستان: نابینا شخص کو پانی میں پھینکنے کی ویڈیو وائرل، ٹک ٹاکرز گرفتار
- پنجاب پولیس نے 08 سالہ بچی کو ونی کی بھینٹ چڑھنے سے بچا لیا
- حکومتی پالیسی سے معیشت مستحکم ہو رہی ہے، پرائیویٹ سیکٹر کو آگے آنا ہوگا، وزیر خزانہ
- مقبوضہ کشمیر میں بھارتی ایئرفورس کے قافلے پر حملہ؛ 1 ہلاک اور 4 زخمی
- پی ٹی آئی کا شیخ وقاص اکرم کو چیئرمین پی اے سی بنانے کا فیصلہ
- گورنر بلوچستان شیخ جعفر مندوخیل نے عہدے کا حلف اٹھالیا
- کراچی اور لاہور میں ایک پاسپورٹ دفتر 24 گھنٹے کھلا رکھنے کا فیصلہ
- پرویز الٰہی کو جیل سے اسپتال یا گھر منتقل کرنے کی درخواست منظور
- کراچی میں منشیات فروشوں کی فائرنگ سے 2 دوست جاں بحق
- سنی اتحاد کونسل کی مخصوص نشستیں دوسری سیاسی جماعتوں کو دینے کا فیصلہ معطل
- پختونخوا حکومت کاشتکاروں سے 29 ارب روپے کی گندم خریدنے کیلیے تیار
- حماس کی اسرائیلی فورسز پر راکٹوں کی بوچھاڑ، 3 فوجی ہلاک، 11 زخمی
- گندم اسکینڈل؛ کون سی راکٹ سائنس ہے؟
- زہریلے کنکھجورے گردوں کی بیماری کے علاج میں معاون
- ناسا کا چاند پر جدید ریلوے سسٹم بنانے کا منصوبہ
- ایران کے صحرا میں بنایا گیا ویران شہر
کلبھوشن اوراحسان اللہ احسان کے انکشافات نے بھارت کو بے نقاب کردیا، دفترخارجہ
اسلام آباد: ترجمان دفتر خارجہ نفیس زکریا کا کہنا ہے کہ سابق ترجمان کالعدم تحریک طالبان پاکستان احسان اللہ انکشاف کیا ہے کہ طالبان کو بھی بھارتی ایجنسی را کی معاونت حاصل ہے جب کہ کلبھوشن یادیو سے متعلق پہلے ہی شواہد موجود ہیں وہ بھارتی جاسوس ہے دونوں کے انکشافات نے بھارتی چہرہ بے نقاب کردیا ہے۔
اسلامی آباد میں ہفتہ وار بریفنگ میں دفتر خارجہ کے ترجمان نفیس زکریا نے کرم ایجنسی میں دہشت گردی کے حملے کی مذمت کرتے ہوئے کہا کہ کالعدم جماعت الاحرار نےکرم ایجنسی حملے کی ذمے داری قبول کی اور سب جانتے ہیں جماعت الاحرار کہاں موجود ہے۔ سابق ترجمان کالعدم تحریک طالبان پاکستان احسان اللہ احسان نے انکشاف کیا کہ طالبان کو بھی بھارتی ایجنسی را کی معاونت حاصل ہے اور بھارتی خفیہ ایجنسی پاکستان اور افغانستان میں موجود ہے جب کہ کالعدم تحریک طالبان پاکستان کے لیڈر خالد خراسانی کے بھارت میں علاج کا انکشاف بھی کیا گیا ہے۔
ترجمان دفترخارجہ کا کہنا تھا کہ بھارت پاکستان میں تخریب کاری کے لیےافغانستان کی سرزمین استعمال کرتا ہے، مدرآف آل بم حملے میں 13 ’’را‘‘ ایجنٹ بھی مارے گئے جو ان کی افغانستان میں موجودگی ظاہرکرتا ہے جب کہ کلبھوشن یادیو سے متعلق پہلے ہی شواہد موجود ہیں وہ بھارتی جاسوس ہے اور دہشت گردانہ سرگرمیوں میں ملوث ہے، اس کےبیان سے پاکستان میں دیگردہشت گرد نیٹ ورک توڑنےمیں مدد ملی، اس پرملکی قوانین کےمطابق مقدمہ چلایا گیا اور اسے قونصلر رسائی دینے کا فیصلہ میرٹ پرکیا جائے گا۔ ان کا کہنا تھا کہ کلبھوشن کے اعتراف جرم اور احسان اللہ احسان کے انکشافات نے بھارت کو بے نقاب کر دیا ہے ابھی تک جودہشت گرد پکڑے گئے وہ بھارتی مداخلت کاثبوت ہیں۔
نفیس ذکریا نے مزید کہا کہ بھارت پاکستان میں دہشت گردی میں بطور ریاست ملوث ہے جب کہ بھارتی اور افغان خفیہ ایجنسیاں پاکستان میں دہشت گردانہ سرگرمیوں میں ملوث ہیں،پاکستان نے یہ معاملہ پہلے بھی اُٹھایا اور اب بھی بھارت اورافغان خفیہ ایجنسی کا معاملہ عالمی فورم پر اٹھانے کا فیصلہ کیا ہےجب کہ ہم یہ معاملہ بھارت اور افغانستان کے ساتھ بھی اٹھائیں گے، بین الاقوامی برادری کو بھی چاہئے کہ وہ کلبھوشن کے اعتراف اور احسان اللہ کے بیان کا نوٹس لے۔
ترجمان دفترخارجہ کا کہنا تھا کہ بھارت ریاستی سطح پر پاکستان میں دہشت گردی اور دہشت گردوں کی مالی مدد کر رہا ہے جب کہ مقبوضہ کشمیر میں بھی بھارتی مظالم کا سلسلہ جاری ہے، آزادی کی جدوجہد میں قیادت کرنے والے رہنماؤں سید علی گیلانی، یاسین ملک اور آسیہ اندرابی کو حراست میں لے لیا گیا اور بھارتی فوج کی جانب سے کی جانے والی انسانی حقوق کی خلاف ورزیاں چھپانے کے لئے سوشل میڈیا پر بھی پابندی عائد کردی گئی ہے۔
سابق آرمی چیف جنرل(ر) راحیل شریف کے سعودی فوجی اتحاد میں شمولیت پر ترجمان کا کہنا تھا کہ فوجی اتحاد کسی ملک کی حمایت یا کسی اسلامی ملک کے خلاف نہیں اور اگر ایسا ہوا تو پاکستان اسی روز اس اتحاد سے الگ ہوجائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔