- حماس نے قطر اور مصر کی جنگ بندی کی تجویز مان لی
- سعودی ولی عہد ہر سطح پر پاکستان کی مدد کرنا چاہتے ہیں، وزیراعظم
- بلوچستان کے مسائل سیاسی ڈائیلاگ کے ذریعے حل ہونے چاہئیں، صدر مملکت
- کراچی سے بھارتی خفیہ ایجنسی کے 2 انتہائی خطرناک دہشت گرد گرفتار
- جسٹس بابر ستار کے خلاف مہم چلانے پر توہین عدالت کی کارروائی کا فیصلہ
- حکومت سندھ نے پیپلزبس سروس میں خودکار کرایہ وصولی کا نظام متعارف کرادیا
- سعودی ولی عہد کا رواں ماہ دورۂ پاکستان کا امکان
- سیاسی بیانات پر پابندی کیخلاف عمران خان کی اسلام آباد ہائیکورٹ میں درخواست دائر
- ٹی ٹوئنٹی ورلڈ کپ 2024 کیلئے قومی ٹیم کی نئی کِٹ کی رونمائی
- نازک حصے پر کرکٹ کی گیند لگنے سے 11 سالہ لڑکا ہلاک
- کے پی وزرا کو کرایے کی مد میں 2 لاکھ روپے ماہانہ کرایہ دینے کی منظوری
- چینی صدر کا 5 سال بعد یورپی ممالک کا دورہ؛ شراکت داری کی نئی صف بندی
- ججز کا ڈیٹا لیک کرنے والے سرکاری اہلکاروں کیخلاف مقدمہ اندراج کی درخواست دائر
- کراچی میں ہر قسم کی پلاسٹک کی تھیلیوں پر پابندی کا فیصلہ
- سندھ ؛ رواں مالی سال کے 10 ماہ میں ترقیاتی بجٹ کا 34 فیصد خرچ ہوسکا
- پنجاب کے اسکولوں میں 16 مئی کو اسٹوڈنٹس کونسل انتخابات کا اعلان
- حکومت کا سپریم کورٹ کے مخصوص نشستوں کے عبوری فیصلے پر تحفظات کا اظہار
- طعنوں سے تنگ آکر ماں نے گونگے بیٹے کو مگرمچھوں کی نہر میں پھینک دیا
- سندھ میں آم کے باغات میں بیماری پھیل گئی
- امریکی سفیر ڈونلڈ بلوم سے پی ٹی آئی قیادت کی ملاقات، قانون کی حکمرانی پر گفتگو
جامعہ کراچی ؛ بی کام کے کئی درجن فیل طلبا کو کامیاب قرار دینے کی کوشش
کراچی: جامعہ کراچی کے شعبہ امتحانات کے تحت بی کام (ریگولر)کے متوقع نتائج کی تیاری میں بڑے پیمانے پر بے قاعدگیاں سامنے آئی ہیں، شعبہ امتحانات نے نتائج میں کئی درجن فیل طلبا کو بی کام ریگولر میں کامیاب قرار دے کر نتائج پر حتمی اجرا کے لیے متعلقہ اتھارٹیزکے دستخط بھی کرالیے ہیں، یہ نتائج ٹیبولیشن کے مرحلے میں تبدیل کیے گئے ہیں۔
تاہم شعبہ امتحانات اورکالج اساتذہ کے حلقوں میں معاملے کی بازگشت کے بعد شعبہ امتحانات نے نتائج روک کراس میں دوبارہ تبدیلیاں شروع کردی ہیں تاہم تاحال اس معاملے پر متعلقہ اتھارٹیز کواعتماد میں لیاگیا اورنہ ہی انھیں معاملے سے آگاہ کیاگیاہے، جامعہ کراچی کے ذرائع نے بتایا ہے کہ نتائج میں تبدیلی کامعاملے سامنے آنے کے باوجود اس حوالے سے کوئی تحقیقاتی کمیٹی بنائی گئی اورنہ ہی انکوائری شروع کی گئی بلکہ براہ راست نتائج کی اسکروٹنی شروع کردی گئی ہے، ذرائع کاکہناتھاکہ جامعہ کراچی کے قائم مقام ناظم امتحانات ایسوسی ایٹ پروفیسر عرفان عزیزنے بی کام (ریگولر)کے نتائج کوحتمی شکل دے کر متعلقہ اتھارٹیز سے دستخط کرائے ذرائع نے یہ بھی بتایاکہ نتائج اتھاٹیزسے دستخط اور کال آؤٹ کے حتمی مرحلے سے بھی گزارے جاچکے تھے تاہم یہ بات سامنے آئی کہ نتائج میں بڑے پیمانے پر بے قاعدگیاں ہیں اورکئی درجن فیل امیدواروں کوٹیبلولیشن کے مرحلے میں پاس کردیا گیا ہے۔
جس کے باعث نتائج روکنے پڑے جس میں اب تبدیلی کی جارہی ہے اورنتائج کواسکروٹنی کے مرحلے سے گزارا جارہا ہے جس سے تاخیرشدہ نتائج میں مزیدتاخیرہورہی ہے جبکہ تاحال متعلقہ اتھارٹیز وائس چانسلراورڈین کواس سے بے خبررکھاگیاہے واضح رہے کہ جامعہ کراچی کے موجودہ قائم مقام ناظم امتحانات عرفان عزیزکاتعلق بھی شیخ الجامعہ کے شعبہ ہیلوفائیٹ سے ہے جونباتیات کی ایک شاخ ہے موجودہ ناظم امتحانات نے بی کام کے نتائج کی ٹیبولیشن کے سلسلے میں جامعہ کراچی کے انسٹی ٹیوٹ آف سسٹین ایبل ہیلوفائیٹ کے علاوہ بعض کالجوں کے شعبہ نباتیات کے اساتذہ کی خدمات حاصل کی ہیں جواس سے قبل شعبہ امتحانات میں ٹیبولیشن کے عمل سے ناواقف تھے جبکہ کامرس کے کچھ کالجوں کے اساتذہ کی خدمات بھی ٹیبولیشن میں لی گئی ہیں، قائم مقام ناظم امتحانات عرفان عزیزسے موقف جاننے کے لیے فون کیا گیا تاہم وہ رابطے سے گریزکرتے رہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔