پی آئی اے کا سعودی عرب کیلیے ہفتہ بھر میں 35 پروازوں کا اعلان

 کراچی: پی آئی اے نے سعودی عرب کی پروازوں کے لیے بکنگ کا آغاز کردیا۔

پی آئی اے کی انتظامیہ کے مطابق سعودی عرب کے لیے پروازوں کا شیڈول جاری کردیا گیا۔ پی آئی اے یکم دسمبرسے سعودی عرب کے لیے ہفتہ وار 35 پروازیں آپریٹ کرے گی۔

پی آئی اے کا کہنا ہے کہ جدہ ،مدینہ، ریاض،دمام اورالقسیم کے لیے پروازیں چلائی جائیں گی۔ سعودی عرب کے لئے پروازیں کراچی، لاہور،ملتان، اسلام آباد اورپشاور سے روانہ ہوں گی۔

سعودی حکومت نے پاکستان سمیت 6ممالک کے مسافروں کو براہ راست سعودی عرب میں داخلے کی اجازت دے دی ہے۔