- موبائل فون کا بے تحاشا استعمال؛ ماں کی مار سے بیٹی ہلاک
- بنوں میں فریقین کے درمیان فائرنگ سے تین افراد جاں بحق
- بلوچستان میں طالب علموں کیلیے قرآن مجید کی تعلیم لازمی قرار
- نیتن یاہو کے ممکنہ وارنٹِ گرفتاری؛ امریکا کا ردعمل سامنے آگیا
- سعودی عرب نے طیاروں کی خریداری کا سب سے بڑا معاہدہ کرلیا
- اسیر پی ٹی آئی رہنما ڈاکٹر یاسمین راشد کی طبیعت ناساز، اسپتال منتقل
- ہتک عزت بل پر پیپلزپارٹی نے ن لیگ سے راہیں جدا کرلیں
- جڑانوالہ؛ وزیراعلیٰ کا مدرسے کے طالبعلم پر قاری کے تشدد کا نوٹس، رپورٹ طلب
- ایف آئی کی کارروائی، پشاور ایئرپورٹ سے دہشت گردی کے مقدمے میں مطلوب ملزم گرفتار
- ڈیفنس میں شہری نے ٹریفک پولیس اہلکار پر گاڑی چڑھادی
- اقوام متحدہ کے وفد کی پی ٹی آئی قیادت سے ملاقات، رؤف حسن کی عیادت
- آئی فون صارفین کو درپیش مسئلے کے حل کے لیے اپ ڈیٹ جاری
- برطانیہ میں 12 سالہ لڑکا عجیب و غریب خوف میں مبتلا
- سگریٹ نوشی کی جگہ ویپنگ استعمال کرنے سے کینسر کا خطرہ کم نہیں ہوتا
- پی ٹی آئی رہنما حماد اظہر کئی ماہ کی روپوشی کے بعد منظر عام پر آگئے
- علی الہاشم کئی گھنٹوں تک زندہ رہے؛ ہیلی کاپٹر حادثے کی آنکھوں دیکھی روداد
- اوورسیز چیمبر آف کامرس کا بینک اکاؤنٹ کیلیے این ٹی این لازمی قرار دینے کا مطالبہ
- پی ٹی آئی کا رؤف حسن پر حملے کی تحقیقات کےلیے جوڈیشل کمیشن کا مطالبہ
- آئی ایم ایف مذاکرات؛ گھریلو صارفین کیلیے گیس مزید مہنگی کیے جانے کا امکان
- 2025ء تک 100 نئے ای روزگار مراکز اور 10 نئے آئی ٹی پارکس قائم کرنے کا فیصلہ
پنجاب میں تیتراورمرغابی کا غیرقانونی شکار کرنے والوں کے خلاف کارروائی
کراچی: پنجاب میں تیتر کے غیرقانونی شکار کی روک تھام کے لیے سیکرٹری جنگلات و جنگلی حیات پنجاب نے تمام ڈسٹرکٹ وائلڈلائف افسران کو غیرقانونی شکارکھیلنے والوں کے خلاف بلاامتیاز کارروائی کی ہدایات جاری کردیں۔ شکاریوں کے خلاف کارروائی کے لیے پنجاب رینجرز سمیت قانون نافذ کرنیوالے دیگر اداروں سے بھی معاونت لی جائے گی۔
پنجاب وائلڈلائف نے یکم دسمبر سے 31 جنوری تک صرف اتوار کے روز پنجاب کی مختلف تحصیلوں میں تیتر کے شکار کی اجازت دی ہے۔ تیتر اورمرغابی کے غیرقانونی شکار کی رپورٹس سامنے آنے پر سیکریٹری جنگلات وجنگلی حیات نے سخت نوٹس لیتے ہوئے وائلڈلائف اسپیشل اسکواڈ اور فیلڈ اسٹاف کو مزید متحرک ہونے کی ہدایات دی ہیں۔
ڈپٹی ڈائریکٹروائلڈلائف سالٹ رینج زاہد علی خان نے بتایا کہ چکوال کی 12 تحصیلوں میں سے صرف 5 تحصیلوں میں شکار کی اجازت ہے جبکہ 7 تحصیلیں بند ہیں، جبکہ جو تحصیلیں اوپن ہیں ان میں سے چواسیدن شاہ کا 60 فیصد ایریا پروٹیکٹڈ ہے۔
انہوں نے مزید بتایا کہ 3 دسمبر کو چکوال، کلرکہار سمیت مختلف علاقوں میں مجموعی طور پر 147 گاڑیاں شکار کے علاقوں میں داخل ہوئیں۔ 286 شکاریوں کے پاس کارآمد شکار کے لائسنس تھے جبکہ 369 بندوقیں چیک کی گئیں ۔
انہوں نے بتایا کہ فیلڈ اسٹاف نے قواعد وضوابط کی خلاف ورزی پر 6 شکاریوں کے چالان کرکے 77 ہزار روپے جرمانہ کیا۔
واضح رہے کہ سالٹ رینج وائلڈلائف کے حوالے سے سب سے قیمتی ایریا ہے۔ تاہم وائلڈلائف کے پاس افرادی قوت اور گاڑیوں کی شدید قلت ہے۔ شکاریوں کے پاس جدید گاڑیاں اور اسلحہ ہوتا ہے جبکہ وائلڈلائف فیلڈ اسٹاف موٹرسائیکل یا پھر پرانی گاڑیوں پر مانیٹرنگ کرتا ہے۔
علاوہ ازیں فیلڈ اسٹاف نے راولپنڈی ریجن میں 96 شکاریوں کو چیک کیا اور قواعد کی خلاف ورزی اورغیرقانونی شکار میں ملوث 10 افراد کا چالان کیا گیا۔
اسی طرح اسسٹنٹ ڈائریکٹر وائلڈ لائف ضلع منڈی بہاؤالدین مجاہد کلیم نے اپنی ٹیم کے ہمراہ مرغابی کے غیر قانونی شکار میں مشغول 2 شکاریوں کو گرفتار کرکے انہیں 60 ہزار روپے محکمانہ معاوضہ کی مد میں جرمانہ کرکے کیس نمٹا دیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔