- فیصل آباد میں شوہر نے دو بیویوں اور چار بچوں کو قتل کر کے خودکشی کرلی
- وزیراعظم نے گندم درآمد کی تحقیقات کے لیے انکوائری کمیٹی تشکیل دے دی
- لاہور میں پولیس اہلکاروں کی ٹارگٹ کلنگ میں ملوث خراسانی گروپ کا کارندہ گرفتار
- چوتھا ٹی ٹوئنٹی: فتح کو ترسی پاکستان ٹیم نے جیت کا ذائقہ چکھ لیا
- ترکیہ نے اسرائیل سے تمام تجارت بند کردی
- پاکپتن میں سفاک شوہر اور سسرالیوں نے گھر نام نہ کرنے پر خاتون کو زہر دے دیا
- ایران نے امریکی و برطانوی حکام اور کمپنیوں پر پابندی لگادی
- محمود اچکزئی کا سابق نگران وزیر اور ڈی سی کوئٹہ کو 20 ارب ہرجانے کا نوٹس
- مینڈیٹ نہ ملنے کی وجہ سے نواز شریف وزارت عظمی سے پیچھے ہٹ گئے، محمد زبیر
- آڈیو لیکس کیس، آئی بی کا بینچ پر اعتراض کی درخواست واپس لینے کا فیصلہ
- لاہور: پارکوں میں جوڑوں کی وڈیوز بنا کر وائرل کرنے والے وکیل کا لائسنس معطل
- کراچی میں رینجرز کی تعیناتی میں مزید 6 ماہ کی توسیع منظور
- زرمبادلہ کے سرکاری ذخائر میں اضافہ، 8 ارب ڈالر کی سطح پر آگئے
- شدید گرمی کی لہر نے جنوبی ایشیا کو اپنی لپیٹ میں لے لیا؛ اسکول بند
- پنجاب میں سرکاری محکموں میں بھرتی اور دیگر سہولیات کیلیے خصوصی افراد کی آن لائن رجسٹریشن کا آغاز
- حماس کی حمایت پر برطانوی پولیس افسر کو آئندہ ماہ سزا سنائی جائے گی
- جنوبی وزیرستان کے سیشن جج کے اغواء میں ملوث تین دہشت گرد ہلاک،آئی ایس پی آر
- تحریک انصاف نے عام انتخابات میں مبینہ دھاندلی پر وائٹ پیپر جاری کردیا
- ٹی ٹوئنٹی ورلڈ کپ 2024 کا آفیشل ترانہ جاری
- وزیراعظم نے پیٹرول کی قیمت میں مزید کمی کا اشارہ دے دیا
کوئی اور آکر سب کو گھر بھیج دے بہتر ہے ہم معاملات حل کرلیں، لیاقت بلوچ
اسلام آباد: جماعت اسلامی کے جنرل سیکریٹری لیاقت بلوچ کا کہنا ہے کہ اس سے پہلے کہ تیسرا فریق آکر سب کو گھر بھیج دے بہتر ہے کہ ہم اپنی ضد اور انا کو چھوڑ کر ملک و ملت کے مفاد میں مثبت فیصلے کریں۔
اسلام آباد میں وزیر داخلہ چوہدری نثار علی خان اور خواجہ سعد رفیق سے طویل ملاقات کے بعد میڈیا سے بات کرتے ہوئے لیاقت بلوچ کا کہا تھا کہ جماعت اسلامی آئینی، جمہوری اور سیاسی جدو جہد تک یقین رکھتی ہے۔ موجودہ حالات کے پیش نظر سیاسی معاملات بند گلی میں داخل ہونے کا خدشہ ہے، ایسی صورت میں جماعت اسلامی جو کردار ادا کررہی ہے وہ کوئی ثالثی نہیں بلکہ جمہوریت ، آئین، آزاد عدلیہ کی حفاظت ہے۔
جماعت اسلامی کے سیکریٹری جنرل کا کہنا تھا کہ عمران خان کے مطالبات ووٹوں کی تصدیق، انتخابی اصلاحات اور الیکشن کمیشن کی تشکیل نو جیسے نکات پر مشتمل ہیں۔ انہوں نے جو تجاویز دی تھیں وہ جماعت اسلامی کے امیر سراج الحق نے وزیراعظم نواز شریف کو پیش کردی تھیں جس پر انہوں نے کابینہ سے مشاورت کی یقین دہانی کی تھی۔ حکومت نے دو دنوں مین ہم سے رابطہ رکھا لیکن امیر جماعت اسلامی کے دیر بالا میں ہونے کی وجہ سے انہوں نے ہمیں ملاقات کی ہدایت کی تھی۔ ملاقات کے دوران حکومت نے اپنی تجاویز ہمارے سامنے رکھی ہیں جسے عمران خان، خورشید شاہ اور محمود خان اچکزئی سے آگاہ کردیا جائے گا۔
لیاقت بلوچ کا کہنا تھا کہ ملک میں ہر شخص اور سیاسی جماعت کو احتجاج کا حق ہے۔ لوگ بجلی بحران ، مہنگائی، بے روزگاری اور پالیسیوین سے تنگ ہیں، اس صورت حال میں عوام خود سراپا احتجاج ہیں۔ جب حکومت اور پارلیمنٹ مسائل کے حل میں ناکام ہو تو اپوزیشن سڑکوں پر احتجاج کرتی ہیں۔ ہمارے ملک میں جب بھی اپوزیشن کی جانب سے احتجاج کیا جاتا ہے تو شک کیا جاتا ہے کہ اپوزیشن کی ڈوریاں کوئی تیسرا فریق ہلا رہا ہے۔ انہوں نے کہا کہ لانگ مارچ اور احتجاج سیاسی جماعتوں کا حق ہے۔ جماعت اسلامی کو لانگ مارچ سے کوئی اختلاف نہیں۔ ہم چاہتے ہیں کہ حکومت آئین سے ماورا قدم نہ اٹھائے اور احتجاج کرنے والے بھی تشدد کا راستہ نہ اپنائیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔