بلاول بھٹو کی قسمت بے نظیر سے مختلف نہ نکلی

پشاور: پیپلزپارٹی کے چیئرمین بلاول بھٹو زرداری اپنی والدہ کی طرح خیبرپختونخوا میں انتخابی عمل میں شکست کھاگئے جبکہ ن لیگ کے صدر شہباز شریف اپنے بھائی کی جیت کا ریکارڈ برقرار نہ رکھ سکے۔

پی پی کے چیئرمین بلاول بھٹوزرداری کی والدہ اور سابق وزیراعظم بے نظیر بھٹو 1990 میں پشاور سے شکست کھاگئی تھیں جبکہ اب 28سال کے بعد بلاول بھٹو کو مالاکنڈ سے شکست ہوئی جبکہ دوسری جانب سابق وزیراعظم میاں نواز شریف جو صوبہ سے 2 مرتبہ عام انتخابات میں کامیاب ہوئے ان کے برادر اصغر میاں شہباز شریف ان کا ریکارڈبرقرارنہ رکھ سکے اور کے پی سے شکست کھاگئے۔