- کراچی میں شہریوں کے تشدد سے 2 ڈکیت ہلاک، ایک شدید زخمی
- صدر ممکت سرکاری دورے پر کوئٹہ پہنچ گئے
- عوامی مقامات پر لگے چارجنگ اسٹیشنز سے ہوشیار رہیں
- روزمرہ معمولات میں تنہائی کے چند لمحات ذہنی صحت کیلئے ضروری
- برازیلین سپرمین کی سوشل میڈیا پر دھوم
- سعودی ریسٹورینٹ میں کھانا کھانے سے ایک شخص ہلاک؛ 95 کی حالت غیر
- وقاص اکرم کی چیئرمین پی اے سی نامزدگی پر شیر افضل مروت برہم
- گندم اسکینڈل پر انکوائری کب کرنی ہے؟ اسلام آباد ہائیکورٹ کا نیب پراسیکیوٹر سے استفسار
- ایٹمی طاقت رکھنے والے پاکستان نے چوڑیاں نہیں پہن رکھیں؛ فاروق عبداللہ
- جماعت اسلامی کا احتجاجی مظاہرہ، تعلیمی اداروں میں مقابلہ موسیقی منسوخی کا مطالبہ
- مئی اور جون میں ہیٹ ویو کا الرٹ؛ جنوبی پنجاب اور سندھ متاثر ہونگے
- سوات : 13 سالہ بچی سے نکاح کرنے والا 70 سالہ شخص، نکاح خواں اور گواہ زیر حراست
- امریکا نے پہلی بار اسرائیل کو گولہ بارود کی فراہمی روک دی
- فیض آباد دھرنا فیصلے پر عمل ہوتا تو 9 مئی کا واقعہ بھی شاید نہ ہوتا،چیف جسٹس
- یقین ہے اس بار ٹی ٹوئنٹی ورلڈکپ ساتھ لائیں گے؛ بابراعظم
- پاکستانی نوجوان سعودی کمپنیوں کے ساتھ مل کر چھوٹے کاروبار شروع کریں گے، وفاقی وزرا
- سونے کی عالمی اور مقامی مارکیٹوں میں قیمتوں میں بڑا اضافہ
- جنوبی وزیرستان: نابینا شخص کو پانی میں پھینکنے کی ویڈیو وائرل، ٹک ٹاکرز گرفتار
- پنجاب پولیس نے 08 سالہ بچی کو ونی کی بھینٹ چڑھنے سے بچا لیا
- حکومتی پالیسی سے معیشت مستحکم ہو رہی ہے، پرائیویٹ سیکٹر کو آگے آنا ہوگا، وزیر خزانہ
وفاق میں ہماری حکومت ہوتی تو امریکا ڈرون حملے کی ہمت نہ کرتا، وزیراعلیٰ خیبرپختونخوا
پشاور: خیبر پختونخوا کے نومنتخب وزیراعلیٰ پرویز خٹک نے کہا ہے کہ اگر وفاق میں ہماری حکومت ہوتی تو امریکا کبھی ڈرون حملے کرنے کی ہمت نہیں کرتا، نواز شریف اور وفاقی حکومت ڈرون حملوں کے خلاف واضح پالیسی لے کر آئیں کیوں کہ ہم وفاقی حکومت کی مرضی کے بغیر ڈرون حملے ختم نہیں کراسکتے۔
وزیراعلیٰ منتخب ہونے کے بعد صوبائی اسمبلی سے خطاب کرتے ہوئے پرویز خٹک نے کہا کہ صوبے کے عوام نے تحریک انصاف کو جو مینڈیٹ دیا ہے اس کو کبھی ٹھیس نہیں پہنچائیں گے، ہم صرف مسائل کے حل کے لیے آئے ہیں اور جس تبدیلی کے لیے عمران خان اور تحریک انصاف کو ووٹ دیا گیا وہ آج سے شروع ہو گئی ہے، ہم نے دنیا کے بہترین ماہرین کی مشاورت سے مسائل کے حل کے لئے منصوبہ بندی کی ہے۔ انہوں نے کہا کہ یہ سوئی ہوئی نہیں بلکہ جاگتی ہوئی حکومت ہو گی جو کہ عوام کے مسائل ان کے گھر کی دہلیز پر حل کرے گی، ہم اپنی باتوں اور تقریروں کو عملی جامہ پہناتے ہوئے تھانے کچہری اور پٹوار خانے کی زیادتیوں سے شہریوں کو نجات دلائیں گے، خیبر پختون خوا کو کرپشن فری صوبہ بنایا جائے گا اور انصاف، کاروبار اور روزگار کے مواقعوں، معیاری صحت اور تعلیم کی فراہمی کے لیے خصوصی اقدامات کیے جائيں گے۔
پرویز خٹک نے کہا کہ صوبے میں کرپشن ایک ناسور کی صورت اختیار کر گیا ہے جس کو جڑ سے اکھاڑ پھینکیں گے، اگر صوبے کے کسی بھی ادارے میں رشوت لینے سے متعلق کوئی شکایت ملی تو سخت سے سخت اقدامات کیے جائیں گے۔ انہوں نے 2 دن میں صوبے کے اسپتالوں کو دورہ کرنے کا اعلان کرتے ہوئے کہا کہ ڈاکٹروں اوراسپتال کے عملے کی غیرحاضری کسی صورت برداشت نہیں کی جائے گی، اگر ڈاکٹر غیر حاضر ہوں یاانتظام درست نہ ہو تو عوام اس کی شکایت حکومت سے کریں ہم ایسے ڈاکٹرکوفوری طورپر فارغ کردیں گے۔ نو منتخب وزیراعلیٰ نے اپوزیشن کو بھی ساتھ لے کر چلنے کے عزم کا اظہار کرتے ہوئے کہا کہ کسی کو محسوس نہیں ہونے دیا جائے گا وہ الگ ہیں اور ہم الگ ہیں اور نہ ہی کسی کے حق پر ڈاکہ ڈالا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔