- نظام انصاف ٹھیک ہونے تک کچھ ٹھیک نہیں ہوگا:فیصل واوڈا
- پہلا ٹی ٹوئنٹی: ویسٹ انڈیز نے پاکستان ویمن ٹیم کو ایک رن سے شکست دے دی
- خیبر پختونخوا: صوبائی وزراء اور مشیروں کی مراعات میں اضافے کی سمری تیار
- فوج سے جلد مذاکرات ہوں گے، آرمی چیف اور ڈی جی آئی ایس آئی سے بات ہوگی، شہریار آفریدی
- چین میں پاکستان کیلئے تیار ہونے والی پہلی ہنگور کلاس آبدوز کا افتتاح
- وزیراعظم کی ہدایت پر کرپشن میں ملوث ایف بی آر کے 13 اعلیٰ افسران عہدوں سے فارغ
- پتوکی کے دو بے گناہ نوجوان بھارت سے رہا ہوکر پاکستان پہنچ گئے
- بی آر ٹی کا مالی بحران سنگین، حکومت کا کلومیٹر کے حساب سے کرایہ بڑھانے کا فیصلہ
- محموداچکزئی کے وارنٹ گرفتاری جاری، 27 اپریل کو عدالت میں پیش کرنے کا حکم
- چینی صدر اور امریکی وزیرخارجہ کی شکوے شکایتوں سے بھری ملاقات
- لاہور؛ 10 سالہ گھریلو ملازمہ پراسرار طور پر جھلس کر جاں بحق، گھر کا مالک گرفتار
- اغوا برائے تاوان کی واردات کا ڈراپ سین؛ مغوی نے دوستوں کے ساتھ ملکر رقم کا مطالبہ کیا
- فیس بک کے بانی کو 50 کھرب روپے کا نقصان ہوگیا
- عازمین حج کیلئے خوشخبری، جناح انٹرنیشنل ایئرپورٹ روڈ ٹومکہ میں شامل
- اسٹاک ایکسچینج میں کاروباری میں تیزی، انڈیکس 72 ہزار 742 پوائنٹس پر بند
- بلدیہ پلازہ میں بیٹھے وکلا کمرے کا ماہانہ کرایہ 55 روپے دیتے ہیں، وزیراعلیٰ بلوچستان
- انٹربینک مارکیٹ میں ڈالر کی نسبت روپیہ تگڑا
- کچے کے ڈاکوؤں سے رابطے رکھنے والے 78 پولیس اہلکاروں کا کراچی تبادلہ
- ایک ہفتے کے دوران 15 اشیا کی قیمتیں بڑھ گئیں
- چینائی میں پاکستانی 19 سالہ عائشہ کو بھارتی شخص کا دل لگادیا گیا
6ماہ کی تنخواہوں سے محروم واسا ملازمین نے شہر کا پانی بند کر دیا
حیدر آباد: واسا ملازمین نے6 ماہ سے تنخواہیں اور پنشن نہ ملنے کے خلاف پیر کو 6گھنٹے تک شہر بھر کا پانی بند کر دیا اور مرکزی فلٹر پلانٹ کے سامنے دھرنا دیا ۔
جس کے باعث شہر میں پانی کا بحران پیدا ہو گیا، مہران ورکرز یونین نے متنبہ کیا ہے کہ اگر وعدے کے مطابق دو روزمیں ایک ماہ کی تنخواہ نہ دی گئی تو ملازمین ہڑتال پر چلے جائیں گے اور شہر بھر کا فراہمی و نکاسی آب کا نظام بند کر دیا جائے گا۔ کئی ماہ کی تنخواہوں اور پنشن سے محروم واسا ملازمین نے ایچ ڈی اے مہران ورکرز یونین کی اپیل پر پیر کی صبح 8 سے 2 بجے تک 6گھنٹے شہر کو پانی کی فراہمی بند رکھی۔ ملازمین نے یونین کے چیئرمین محمد سعید، سینئر نائب صدر اعظم راجپوت اور جنرل سیکریٹری اسلم عباسی کی قیادت میں مرکزی فلٹر پلانٹ کے باہر جامشورو روڈ پر دھرنا دے کر ٹریفک معطل کر دی۔
مظاہرین نے سندھ حکومت، ایچ ڈی اے کے ڈائریکٹر جنرل اور ایم ڈی واسا کیخلاف نعرے لگائے۔ احتجاج کی اطلاع پر بلدیہ اعلی کے ایڈمنسٹریٹر سید برکات احمد رضوی اور ایم ڈی واسا سلیم الدین بھی پہنچ گئے جنھوں مالی وسائل کا عذر ظاہر کرتے ہوئے ملازمین کو تمام بقایا تنخواہوں اور پنشن کی ادائیگی کرنے سے تو معذرت کرلی تاہم یقین دہانی کرائی کہ ایک ماہ کی تنخواہ ایک دو روز میں ادا کردی جائے گی جبکہ بقیہ تنخواہوں کے معاملات پر سندھ حکومت سے بات کی جائے گی۔
جس پر رہنماؤں نے مشاورت کے بعد احتجاج موخر کرکے شہر بھر میں پانی کی سپلائی بحال کر دی۔ مہران ورکرز یونین کے چیئرمین محمد سعید نے ایکسپریس کوبتایاکہ ہم نے واسا انتظامیہ کو ایک ماہ کی تنخواہ اور پینشن کی ادائیگی کے حوالے سے 48گھنٹے کا وقت دیا ہے اگراس دوران ادائیگی نہیں کی گئی تو ملازمین ہڑتال کا راستہ اختیار کریں گے اور شہر بھر میں فراہمی و نکاسی آب کا نظام بند کر دیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔