بلوچستان میں بارشوں سے تباہی، 6 افراد جاں بحق، درجنوں مویشی بھی بہہ گئے

 کوئٹہ: بلوچستان میں مون سون کی بارشوں کے بعد ندی نالوں میں طغیانی آگئی، 6 افراد اور درجنوں مویشی سیلابی ریلوں میں بہہ کر جاں بحق ہوگئے۔

بلوچستان میں مون سون بارشوں سے تباہ کاری کاسلسلہ جاری ہے. بولان میں بی بی نانی پل کا ایک حصہ منہدم ہوگیا، کوئٹہ سبی شاہراہ بند ہونے سے سندھ اور پنجاب سے رابطہ منقطع ہو گیا ہے، ندی میں زیادہ پانی ہونے کے باعث پل کی مرمت کا کام شروع نہیں ہوسکا تاہم علاقے میں پھنسے لوگوں کو ریسکیو کرنے کا کام جاری ہے۔

https://twitter.com/Gwadar_Pro/status/1292407674621923328?s=20

#Bolan road blocked due to flood caused by heavy rainfall #rain #moonsoon #Balochistan pic.twitter.com/NncZzVMNUp

— Daniyal Butt (@butt_daniyal) August 8, 2020

پی ڈی ایم اے کے مطابق ڈیرہ بگٹی میں 2، دالبندین میں ایک بچی، کوہلو، سوئی اور اوستہ محمد میں ایک ایک شخص سیلابی ریلے میں ڈوب کر جاں بحق ہوگئے۔ بولان، ڈھاڈر، جھل مگسی اور نصیرآباد سمیت کئی علاقوں میں سیلابی ریلے میں درجنوں مویشی بہہ گئے۔

Heavy rains were expected in the mountainous region of Khuzdar Balochistan,up to 300 mm in large areas & rain water flow in Nai Gaaj of Johi city of Dadu and Hub River.

It’s duty of NDMA to keep an keen eye on the wether conditions in Monsoon season. #SaveKachhoFromRainFlood pic.twitter.com/uiQ6S3zt9a

— Fida Jatoi (@fidajatoi80) August 8, 2020

دوسری طرف بولان میں شدید طغیانی کے باعث گیس سپلائی لائن بھی بری طرح متاثر ہوئی ہے جس سے صوبے بھر کے صارفین کو پریشانی کا سامنا ہے جب کہ ایس ایس جی سی حکام کے مطابق  صورتحال معمول پر آتے ہی مرمت شروع کر دی جائے گی۔

ادھر کوسٹل ہائی وے کو ہر قسم کی ٹریفک کیلئے کھول دیا گیا ہے، متاثرہ علاقوں کی انتظامیہ کو مکمل الرٹ رہنے کی ہدایت کی گئی ہے۔