کراچی میں عید الاضحٰی کے بعد کانگو وائرس کا پہلا کیس سامنے آگیا

مریض کو ایک ہفتے سے قے میں خون آنے کی شکایت تھی، ڈاکٹر سیمی جمالی

اسٹاف رپورٹر منگل 11 اگست 2020

متاثرہ شخص کے ٹیسٹ کرانے پر کانگو وائرس کی تصدیق ہوئی ہے، ڈاکٹر سیمی جمالی(فوٹو؛ فائل)

کراچی: شہر میں عید الاضحی کے بعد کانگو وائرس کا پہلا کیس سامنے آگیا ہے۔

جناح اسپتال کی ایگزیگیٹیو ڈائریکٹر ڈاکٹر سیمیں جمالی کے مطابق کراچی کے علاقے لائنز ایریا کے رہائشی 31 سالہ وقاص کو تیز بخار کے ساتھ اسپتال لایا گیا۔ مریض کو ایک ہفتے سے قے میں خون آنے کی شکایت تھی۔

یہ خبر بھی پڑھیے: راولپنڈی میں کورونا کے بعد کانگو وائرس؛ زیرعلاج مریض جاں بحق

متاثرہ شخص کے ٹیسٹ کرانے پر کانگو وائرس کی تصدیق ہوئی ہے، جس کے بعد اسے آئیسولیٹ کر کے علاج کیا جارہا ہے، واضح رہے کہ رواں سال کانگو وائرس سے ایک ہلاکت بھی ہو چکی ہے جبکہ چار کیسز رپورٹ ہوچکے ہیں۔