سکھر میں مگرمچھ کا حملہ 4 سالہ بچی کو نہر میں لے گیا

ماں نے بھاگ کرجان بچائی ،بچی کے گھرمیں کہرام،انتظامیہ کاکوئی اہلکارنہ پہنچا۔

Numainda Express July 11, 2021

ماں نے بھاگ کرجان بچائی ،بچی کے گھرمیں کہرام،انتظامیہ کاکوئی اہلکارنہ پہنچا۔ فوٹو : فائل

صالح پٹ میں مگرمچھ ماں بیٹی پر حملہ کرکے بچی کو کھینچ کر نہرمیں لے گیا۔

سکھرضلع کی تحصیل صالح پٹ کے علاقے ناراکینال کی آرڈ ی 115 کے گاؤں بارگاہ میں مہربرادری کے ایک شخص الہوسایوکی بیوی اپنی4 سالہ بیٹی سعیدہ کوناراکینال پرنہلارہی تھی کہ اچانک نہرمیں پائے جانے والے ایک مگرمچھ نے اس پراچانک حملہ کردیا، مگرمچھ کے غیرمتوقع حملے سے خاتون نے توبھاگ کرجان بچائی لیکن مگرمچھ 4 سالہ بچی سعیدہ کواپنے ساتھ کھینچ کرپانی میں لے گیا۔

واقعہ پربچی کے گھرمیں کہرام مچ گیا اوروالدین شدت غم سے نڈھال ہیں، علاقہ مکینوں کے مطابق خاتون اوربچی پر حملہ کرنے والا مگرمچھ 16 فٹ لمباتھا، بچی اوراس کی ماں پرحملے کی اطلاع وائلڈ لائیف کے عملے اورمقامی انتظامیہ کودی گئی ہے لیکن کوئی اہلکار اس وقت تک جائے وقوعہ پرنہیں پہنچا۔