مچل مارش کا ورلڈکپ ٹرافی پر پاؤں رکھ کر آرام، بھارتی شائقین آگ بگولہ

  کراچی: آسٹریلوی بلے باز مچل مارش کی ورلڈ کپ ٹرافی پر پاؤں رکھ کر آرام کرنے کی تصویر سوشل میڈیا پر وائرل ہوگئی جس نے بھارتی شائقین کو آگ بگولہ کردیا۔

آسٹریلیا نے گزشتہ روز احمد آباد کے نریندر مودی اسٹیڈیم میں بھارت کو 6 وکٹوں سے شکست دیکر کرکٹ کی تاریخ میں ریکارڈ چھٹی بار ورلڈ کپ اپنے نام کیا۔ میچ کے بعد پیٹ کمنز نے اپنی انسٹاگرام پروفائل پر مداحوں کیلئے ڈریسنگ روم کی تصاویر شیئر کی ہیں جس میں کینگروز کو فتح کا جشن مناتے دیکھا جاسکتا ہے۔

Mitchell Marsh with the World Cup. pic.twitter.com/n2oViCDgna

— Mufaddal Vohra (@mufaddal_vohra) November 20, 2023

ان میں سے ایک تصویر میں آسٹریلوی بلے باز مچل مارش کو صوفے پر بیٹھے آرام کرتے دیکھا جا سکتا ہے تاہم کرکٹ کے شائقین کو جو بات زیادہ اچھی نہیں لگی وہ یہ تھی کہ بلے باز نے تصویر کے لئے پوز دیتے ہوئے ٹرافی کے اوپر اپنے پاؤں رکھے ہوئے ہیں۔

مزید پڑھیں: بھارت کی ہار پر ڈھاکہ میں بنگلہ دیشی طلباء کا بھرپور جشن، ویڈیو وائرل

مچل مارش کی اس حرکت نے فائنل میں شکست پر غمزدہ بھارتی شائقین کے زخموں پر مزید نمک چھڑک دیا جنہوں نے آسٹریلوی کرکٹر کو شدید تنقید کا نشانہ بنایا۔ ایکس پر بھارتی صارف نے تبصرہ کرتے ہوئے لکھا کہ یہ ٹرافی کی توہین ہے، آئی سی سی کو اس پر ایکشن لینا چاہئے۔

مزید پڑھیں: مچل مارش کا ورلڈ کپ ٹرافی پر پاؤں رکھ کر آرام، بھارتی شائقین آگ بگولہ

ویپن تیواری نامی صارف کا کہنا تھا کہ یہ واقعی افسوسناک ہے جب ٹرافی کا صحیح معنوں میں احترام کرنے والوں کو اسے چھونے کا موقع نہیں ملتا جبکہ جو لوگ پرواہ نہیں کرتے انہیں متعدد مواقع ملتے ہیں۔