عالمی اور مقامی مارکیٹوں میں سونے کی قیمت میں بڑا اضافہ ہوگیا

 کراچی: سونے کی عالمی اور مقامی سطح پر قیمتوں میں بڑا اضافہ ہوگیا۔

بین الاقوامی بلین مارکیٹ میں فی اونس سونے کی قیمت 40ڈالر کا اضافہ ہوا، جس سے نئی قیمت 2254ڈالر کی سطح پر آگئی ۔

مقامی صرافہ بازاروں میں جمعہ کے روز فی تولہ سونے کی قیمت میں 3 ہزار 800 روپے کا اضافہ ہونے سے نئی قیمت 2 لاکھ 34 ہزار 800 روپے ہو گئی جب کہ فی 10 گرام سونے کی قیمت 3 ہزار 258 روپے اضافے کے بعد 201303روپے ہوگئی۔

سونے کی قیمتیں بڑھنے کے ساتھ ہی ملک میں چاندی کی قیمت میں بھی 20 روپے فی تولہ کا اضافہ ہونے سے نئی قیمت 2600 روپے ہو گئی۔ اسی طرح فی 10 گرام چاندی کی قیمت بھی 17.15 روپے کے اضافے سے 2211.93روپے کی سطح پر آگیا۔