پونٹنگ، لینگر، فلاور کے بعد سنگاکارا کا بھی انڈین ٹیم کی کوچنگ سے انکار

ویب ڈیسک  ہفتہ 25 مئ 2024
آئی پی ایل فائنل کیلئے کوالیفائی کرنے والی کولکتہ نائٹ رائیڈرز کے کوچ عہدے کیلئے مضبوط امیدوار (فوٹو: ایکسپریس ویب)

آئی پی ایل فائنل کیلئے کوالیفائی کرنے والی کولکتہ نائٹ رائیڈرز کے کوچ عہدے کیلئے مضبوط امیدوار (فوٹو: ایکسپریس ویب)

سابق کرکٹر رکی پونٹنگ، اینڈی فلاور، جسٹن لینگر کے بعد آئی پی ایل میں راجھستان رائلز کے ہیڈکوچ اور سابق سری لنکن کپتان کمار سنگاکارا نے بھی انڈین ٹیم کوچنگ سے صاف انکار کردیا۔

بھارتی میڈیا کی رپورٹس کے مطابق آئی پی ایل کے دوسرے پلے آف میچ میں راجھستان رائلز کی شکست کے بعد میڈیا سے گفتگو کرتے ہوئے سابق کرکٹر و ہیڈکوچ کمار سنگاکارا سے سوال کیا گیا کہ وہ بھارتی ٹیم کی کوچنگ میں دلچسپی رکھتے ہیں؟

جس پر سابق کرکٹر نے جواب دیا بھارتی بورڈ کے اعلیٰ حکام نے مجھ سے رابطہ نہیں کیا اور نا ہی میرے پاس وقت ہے!۔

مزید پڑھیں: بھارتی ٹیم کوچنگ معمہ بن گئی! جے شاہ کا ردعمل بھی سامنے آگیا

قبل ازیں سابق کرکٹرز رکی پونٹنگ، اینڈی فلاور، جسٹن لینگر نے بھی بھارتی ٹیم کی کوچنگ سے انکار کردیا تھا۔

دوسری جانب سیکریٹری بی سی سی آئی جےشاہ کا کہنا تھا کہ انڈین ٹیم کی کوچنگ کیلئے آسٹریلوی کرکٹر رکی پونٹنگ اور جسٹن لینگر سے کوئی رابطہ نہیں کیا۔

مزید پڑھیں: پونٹنگ، فلاور کے بعد جسٹن لینگر کا بھی بھارتی ٹیم کی کوچنگ سے انکار

انکا مزید کہنا تھا کہ ہم اُن لوگوں کو بطور ہیڈکوچ لانا چاہتے ہیں جو بھارتی کرکٹ ٹیم کے اسٹریکچر کو سمجھتے ہیں، کوچ ڈومیسٹک کرکٹ کے فریم ورک کا گہرا علم ہو۔

جے شاہ نے نئے کوچ سے متعلق عندیہ دیا تھا کہ ہمارا نیا کوچ بھارتی ہی ہوسکتا ہے۔

دوسری جانب آئی پی ایل کے فائنل میں پہنچنے والی ٹیم کولکتہ نائٹ رائیڈرز کے ہیڈکوچ گوتم گمبھیر کو عہدے کیلئے فیورٹ تصور کیا جارہا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔