- بھارت؛ اترپردیش میں ٹاپ کرنے والی طالبہ شکل و صورت پر ٹرولنگ کا شکار
- نند کی شادی پر انگوٹھی اور ٹی وی دینے پر بیوی نے شوہر کو قتل کروادیا
- وزیراعظم شہباز شریف نے اسحاق ڈار کو نائب وزیراعظم مقرر کردیا
- باجوڑ میں برساتی نالے میں پھنسنے والی خاتون کے ہاں 4 بچوں کی پیدائش
- جسٹس بابر ستار کے پاس پاکستان کے علاوہ کسی اور ملک کی شہریت نہیں، اسلام آباد ہائیکورٹ
- اس وقت دنیا کا سب سے بڑا مسئلہ عدم مساوات ہے، وزیراعظم
- غزہ سے متعلق احتجاج؛ جامعہ کراچی کا امریکی یونیورسٹیز کے اساتذہ و طلبہ سے اظہار یکجہتی
- مقتول قرار دی گئی بچی 3 سال بعد مل گئی، پولیس نے ملزم سے اقبال جرم بھی کرالیا تھا
- ٹی20 ورلڈکپ؛ پاکستان کا 15 رکنی اسکواڈ کیا ہو؟ ہرشا بھوگلے نے بتادیا
- عراق میں ہم جنس پرستی پر 15 سال قید کی سزا کا قانون منظور
- لاہور کے اسپتال میں ڈکیتی، ڈاکوؤں نے مریضوں اور عملے کو لوٹ لیا
- پی سی بی نے قومی ٹیم کے کوچز کا باقاعدہ اعلان کردیا
- وزیراعظم کی صدر اسلامی ترقیاتی بینک سے ملاقات، مختلف منصوبوں پر پیشرفت کا جائزہ
- عمران خان اسٹیبلشمنٹ سے این آر او چاہتے ہیں جو انہیں نہیں ملے گا، عظمی بخاری
- برطانیہ؛ بچیوں کیساتھ جنسی زیادتی پر 24 ملزمان کو 346 سال قید
- خراب پرفارمنس؛ صائم، عثمان، اعظم خان کا مستقبل کیا ہوگا؟ کپتان کا بیان آگیا
- کراچی میں دیوروں کے ہاتھوں بھابھی قتل
- کراچی اور بلوچستان پولیس کو مطلوب بی ایل اے کا دہشتگرد ساتھی سمیت گرفتار
- رشتے دار کو خون دینے اسپتال آنے والا نوجوان حادثے میں جاں بحق
- امریکی جامعات میں اسرائیل مخالف مظاہرین پر پولیس کا حملہ؛ متعدد طلبا زخمی
3 ستمبر کو لاہور میں عوام کا سمندر نکال کر دکھائیں گے، عمران خان
لاہور: پاکستان تحریک انصاف کے چیرمین عمران خان کا کہنا ہے کہ وزیراعظم نواز شریف پاناما لیکس کے معاملے پر احتساب سے بچ نہیں سکتے اور 3 ستمبر کو عوام کا سمندر نکال کر دکھائیں گے۔
لاہور میں میڈیا سے بات کرتے ہوئے عمران خان کا کہنا تھا کہ کرپشن سے ملک تباہ ہو رہا ہے اور ہمارے وسائل تیزی سے ختم ہوتے جا رہے ہیں، پہلے دن سے اس موقف پر قائم ہوں کہ کرپشن کے خاتمے کا آغاز اوپر سے نیچے کی جانب ہونا چاہیئے۔ ان کا کہنا تھا کہ پاناما لیکس کے معاملے کو 6 ماہ ہو چکے ہیں لیکن وزیراعظم نے اب تک کوئی جواب نہیں دیا، نواز شریف پاناما لیکس کو لمبا کھینچ رہے ہیں تاکہ لوگ بھول جائیں لیکن ہم ایسا نہیں ہونے دیں گے۔
عمران خان کا کہنا تھا کہ پاناما لیکس کے معاملے پر تمام اپوزیشن جماعتوں کو سڑکوں پر لا رہے ہیں، سب جماعتوں کو 3 ستمبر کے احتجاج کے لئے دعوت دیں گے اور لاہور میں عوام کا سمندر نکال کر دکھائیں گے۔ انھوں نے کہا کہ چاہتے ہیں 3 ستمبرکو جماعتیں سب اپنے اپنے کنٹینر پر لاہور پہنچیں، نواز شریف کے خلاف کرپشن کے ثبوت لے کر سپریم کورٹ بھی جائیں گے۔
اس خبر کو بھی پڑھیں: 3 ستمبر کو لاہور پہنچ کر نوازشریف سے کرپشن کا حساب لینا ہے
متحدہ قائد الطاف حسین کی متنازع تقریر کے حوالے سے پوچھے گئے سوال پر عمران خان کا کہنا تھا کہ کوئی بھی محب وطن پاکستانی اس قسم کی تقریر کا سوچ بھی نہیں سکتا، الطاف حسین نے بھارتی وزیراعظم نریندر مودی کی بلوچستان اور کشمیر سے متعلق کی جانے والی تقریر سے بھی سے زیادہ زہریلی تقریرکی۔ ان کا کہنا تھا کہ دنیا میں کہیں بھی جمہوریت کسی کو ملک کے خلاف اس طرح کی تقریر کی اجازت نہیں دی جاتی، الطاف حسین برطانوی شہری لہذا برطانیہ میں ہی ان کے خلاف ایکشن ہونا چاہیئے۔
اس خبر کو بھی پڑھیں: الیکشن کمیشن مسلم لیگ (ن) کا حصہ ہونے کا تاثر دے رہا ہے
وفاقی وزیر دفاع خواجہ آصف کے حلقے میں ووٹوں کی تصدیق کے حوالے سےعمران خان نے کہا کہ نادرا حکام کی جانب سے کہا جا رہا ہے کہ غیر تصدیق شدہ ڈیڑھ لاکھ ووٹز میں سے ایک لاکھ انگوٹھوں کے نشانات پڑھے نہیں جا رہے تو ہم سپریم کورٹ سے کہیں گے کہ ان ایک لاکھ میں سے 5 ہزار ووٹوں کے سیمپل لے کر آزاد ادارے سے ان ووٹوں کی تصدیق کروائی جائے کہ آیا یہ ووٹ پڑھے بھی جا رہے ہیں یا نہیں۔ انھوں نے کہا کہ مجھے نادرا کے اندر سے خبریں ملی ہیں کہ جان بوجھ کر انگوٹھوں کے نمونے نہیں پڑھے جا رہے کیونکہ اگر یہ پڑھ لئے گئے تو پتہ چل جائے گا کہ 2013 میں کتنا بڑا فراڈ ہوا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔