- گونگا بچہ کیوں پیدا کیا؛ طعنوں پر ماں نے بیٹے کو مگرمچھوں کی نہر میں پھینک دیا
- سندھ میں آم کے باغات میں بیماری پھیل گئی
- امریکی سفیر ڈونلڈ بلوم سے پی ٹی آئی قیادت کی ملاقات، قانون کی حکمرانی پر گفتگو
- کراچی میں اسٹریٹ کرائم کیلیے آن لائن اسلحہ فراہم کرنے والا گینگ گرفتار
- کراچی میں شہریوں کے تشدد سے 2 ڈکیت ہلاک، ایک شدید زخمی
- صدر ممکت سرکاری دورے پر کوئٹہ پہنچ گئے
- عوامی مقامات پر لگے چارجنگ اسٹیشنز سے ہوشیار رہیں
- روزمرہ معمولات میں تنہائی کے چند لمحات ذہنی صحت کیلئے ضروری
- برازیلین سپرمین کی سوشل میڈیا پر دھوم
- سعودی ریسٹورینٹ میں کھانا کھانے سے ایک شخص ہلاک؛ 95 کی حالت غیر
- وقاص اکرم کی چیئرمین پی اے سی نامزدگی پر شیر افضل مروت برہم
- گندم اسکینڈل پر انکوائری کب کرنی ہے؟ اسلام آباد ہائیکورٹ کا نیب پراسیکیوٹر سے استفسار
- ایٹمی طاقت رکھنے والے پاکستان نے چوڑیاں نہیں پہن رکھیں؛ فاروق عبداللہ
- جماعت اسلامی کا احتجاجی مظاہرہ، تعلیمی اداروں میں مقابلہ موسیقی منسوخی کا مطالبہ
- مئی اور جون میں ہیٹ ویو کا الرٹ؛ جنوبی پنجاب اور سندھ متاثر ہونگے
- سوات : 13 سالہ بچی سے نکاح کرنے والا 70 سالہ شخص، نکاح خواں اور گواہ زیر حراست
- امریکا نے پہلی بار اسرائیل کو گولہ بارود کی فراہمی روک دی
- فیض آباد دھرنا فیصلے پر عمل ہوتا تو 9 مئی کا واقعہ بھی شاید نہ ہوتا،چیف جسٹس
- یقین ہے اس بار ٹی ٹوئنٹی ورلڈکپ ساتھ لائیں گے؛ بابراعظم
- پاکستانی نوجوان سعودی کمپنیوں کے ساتھ مل کر چھوٹے کاروبار شروع کریں گے، وفاقی وزرا
مچھلی بازاروں میں گاہکوں کا رش، موسم سرما میں مچھلی اور جھینگے کا استعمال بڑھ گیا
کراچی: کراچی میں موسم سرما کی آمد کے ساتھ ہی مچھلی جھینگے اور سمندری خوراک کے استعمال کا رجحان بڑھ گیا ہے جب کہ شہر کے مختلف بازاروں میں مچھلی کے عارضی اور پختہ بازاروں میں گاہکوں کا رش ہے۔
کراچی میں فیڈرل بی ایریا اور نارتھ ناظم آباد سے ملحقہ موسیٰ کالونی کا بازار کراچی کا قدیم اور بڑا مچھلی بازار ہے جو گزشتہ 50 سال سے قائم ہے اس بازار میں 50 سے زائد چھوٹی دکانیں ہیں جہاں مختلف اقسام کی مچھلیوں کے علاوہ جھینگے، کیکڑے اور لوبسٹر بھی فروخت کیے جاتے ہیں۔
موسیٰ کالونی کے بازار میں سمندری مچھلیوں کے علاوہ میٹھے پانی کی مچھلیاں بھی فروخت کی جاتی ہیں گہرے سمندر سے جال لگاکر پکڑی جانے والی مچھلیوں کے علاوہ شوقیہ شکاریوں کی پکڑی گئی مچھلیاں بھی اس بازار میں فروخت کی جاتی ہیں۔ موسیٰ کالونی کے بازار میں کراچی فش ہاربر سے یومیہ 5 سے 10گاڑیوں کے ذریعے مچھلیاں لائی جاتی ہیں شہر کے مختلف اور دوردراز علاقوں سے بھی گاہک اس روایتی مارکیٹ کا رخ کرتے ہیں۔
گاہکوں کا کہنا ہے کہ موسیٰ کالونی کے بازار میں مچھلیاں شہر کی نسبت کم قیمت پر ملتی ہیں جو معیار میں بھی بہتر ہوتی ہیں اسی لیے شہریوں کی اکثریت اس بازار سے مچھلیاں خریدنے کو ترجیح دیتی ہے کراچی میں لیاری کے نزدیک کھڈہ مارکیٹ کے مچھلی بازار کو بھی شہرت حاصل ہے تاہم لیاری میں امن وامان کی مخدوش صورتحال کے باعث شہریوں نے اس بازار کا رخ کرنا چھوڑدیا ہے۔
موسیٰ کالونی کے بازار سے عام شہریوں کے علاوہ مچھلی فرائی کر کے فروخت کرنے والے دکاندار، ریسٹورینٹ مالکان اور کیٹرنگ سروس کا کام کرنے والے بھی مچھلیاں خریدتے ہیں۔
موسیٰ کالونی کے مچھلی بازار میں40 سال سے مچھلیاں فروخت کرنے والے احمد بھائی نے بتایا کہ موسیٰ کالونی کا مچھلی بازار کراچی میں مچھلیوں کا سب سے بڑا بازار ہے جہاں یومیہ 6 ٹن مچھلی فروخت کی جاتی ہے پورے شہر کے علاوہ شہر کے باہر سے بھی خریدار مچھلی خریدنے موسیٰ کالونی آتے ہیں کراچی میں زیادہ تر سرمئی، دھوتر، ہیرا، روہو، پلہ، کند اور پاپلیٹ مچھلی خریدی جاتی ہے ایک بڑا طبقہ جھینگوں کا بھی شوقین ہے، ایک جھینگے میں 4 دیسی انڈوں کے برابر توانائی حاصل ہے موسم سرما میں مچھلی اور جھینگے غذائیت کے حصول کا اہم اور سستا ذریعہ ہیں موسیٰ کالونی کے بازار میں مچھلی کی اوسط قیمت 300 سے 400 روپے کلو تک وصول کی جاتی ہے، بعض مچھلیوں کی قیمت 800 سے ایک ہزار روپے تک وصول کی جاتی ہے بالخصوص بڑے سائز کی ہیرا اور پاپلیٹ مچھلیاں مہنگے داموں فروخت ہوتی ہیں، دیّا نامی مچھلی سستی اور عوامی مچھلی ہے جو 200 سے 250 روپے کلو تک فروخت کی جاتی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔