- بلوچستان کے مسائل سیاسی ڈائیلاگ کے ذریعے حل ہونے چاہیے، صدر مملکت
- کراچی سے بھارتی خفیہ ایجنسی کے 2 انتہائی خطرناک دہشت گرد گرفتار
- جسٹس بابر ستار کے خلاف مہم چلانے پر توہین عدالت کی کارروائی کا فیصلہ
- حکومت سندھ نے پیپلزبس سروس میں خودکار کرایہ وصولی کا نظام متعارف کرادیا
- سعودی ولی عہد کا رواں ماہ دورۂ پاکستان کا امکان
- سیاسی بیانات پر پابندی کیخلاف عمران خان کی اسلام آباد ہائیکورٹ میں درخواست دائر
- ٹی ٹوئنٹی ورلڈ کپ 2024 کیلئے قومی ٹیم کی نئی کِٹ کی رونمائی
- نازک حصے پر کرکٹ کی گیند لگنے سے 11 سالہ لڑکا ہلاک
- کے پی وزرا کو کرایے کی مد میں 2 لاکھ روپے ماہانہ کرایہ دینے کی منظوری
- چینی صدر کا 5 سال بعد یورپی ممالک کا دورہ؛ شراکت داری کی نئی صف بندی
- ججز کا ڈیٹا لیک کرنے والے سرکاری اہلکاروں کیخلاف مقدمہ اندراج کی درخواست دائر
- کراچی میں ہر قسم کی پلاسٹک کی تھیلیوں پر پابندی کا فیصلہ
- سندھ ؛ رواں مالی سال کے 10 ماہ میں ترقیاتی بجٹ کا 34 فیصد خرچ ہوسکا
- پنجاب کے اسکولوں میں 16 مئی کو اسٹوڈنٹس کونسل انتخابات کا اعلان
- حکومت کا سپریم کورٹ کے مخصوص نشستوں کے عبوری فیصلے پر تحفظات کا اظہار
- طعنوں سے تنگ آکر ماں نے گونگے بیٹے کو مگرمچھوں کی نہر میں پھینک دیا
- سندھ میں آم کے باغات میں بیماری پھیل گئی
- امریکی سفیر ڈونلڈ بلوم سے پی ٹی آئی قیادت کی ملاقات، قانون کی حکمرانی پر گفتگو
- کراچی میں اسٹریٹ کرائم کیلیے آن لائن اسلحہ فراہم کرنے والا گینگ گرفتار
- کراچی میں شہریوں کے تشدد سے 2 ڈکیت ہلاک، ایک شدید زخمی
گرڈ اسٹیشن میں آتشزدگی؛ کلفٹن اور ڈیفنس میں بجلی کا طویل بریک ڈاؤن
کراچی: کلفٹن گرڈ اسٹیشن میں آتشزدگی سے کلفٹن اور ڈیفنس کے بیشتر علاقوں سمیت شیریں جناح کالونی، کیماڑی، مچھر کالونی اور ماڑی پور سمیت شہر کے بڑے حصے میں صبح 8 بجے بجلی کی فراہمی مکمل طور پر معطل ہوگئی جو رات گئے تک بحال نہیں کی جاسکی تھی متاثرہ علاقوں میں پینے کے پانی کا شدید بحران پیدا ہوگیا۔
آتشزدگی سے5 پاور ٹرانسفارمرز مکمل طور پر جل گئے اور27 فیڈرز سے بجلی کی فراہمی مکمل طور پر معطل ہوگئی تھی، ذرائع کے مطابق متاثرہ علاقوں میں بجلی کی فراہمی معمول پر لانے میں کئی روز لگ سکتے ہیں، تفصیلات کے مطابق صبح 8 بجے کلفٹن گرڈ اسٹیشن میں اچانک آگ بھڑک اٹھی اور وہاں ڈیوٹی پر موجود سیکیورٹی گارڈ اور عملہ بمشکل اپنی جان بچانے میں کامیاب ہوا فائر بریگیڈ طلب کیے جانے تک گرڈ اسٹیشن کے5 پاور ٹرانسفارمرز بری طرح جل چکے تھے، ذرائع نے بتایا کہ کے ای ایس سی کی جانب سے گرڈ اسٹیشن پر آگ بجھانے کا مناسب انتظام نہیں تھا جس کی وجہ سے وہاں موجود عملہ اور سیکیورٹی گارڈز کی زندگیاں بھی خطرے میں پڑ گئیں۔
آتشزدگی کے نتیجے میں کلفٹن اور ڈیفنس کا بڑا حصہ شیریں جناح کالونی، مسان، کیماڑی، مچھر کالونی، ماڑی پوری روڈ سمیت شہر کے ایک بڑے علاقے کے لاکھوں مکین مسلسل 16 گھنٹے بجلی سے محروم رہے، متاثرہ علاقوں میں پینے کے پانی کا بھی شدید بحران پیدا ہوگیا تھا، شدید گرمی میں بجلی اور پانی کے بغیر شہریوں کی زندگی اجیرن ہوگئی۔
متعدد شہری دیگر علاقوں میں رہائش پذیر اپنے عزیز اور رشتے داروں کے گھر منتقل ہونے پر مجبور ہوگئے جبکہ کلفٹن اور ڈیفنس میں گھروں اور رہائشی عمارتوں میں نصب بیک اپ جنریٹرز اور یوپی ایس بھی ناکارہ ہوگئے، کے ای ایس سی کی جانب سے میڈیا پر مسلسل گمراہ کن اطلاعات نشر کی جارہی تھیں، کے ای ایس سی کے ترجمان نے ابتدا میں دعویٰ کیا کہ شام تک متاثرہ فیڈرز کو متبادل ذرائع سے بحال کردیا جائے گا تاہم رات گئے 90 فیصد متاثرہ علاقہ بجلی کی فراہمی سے محروم تھا۔
متاثرہ شہریوں نے ایکسپریس کے دفتر فون کرکے بتایا کہ اگر کے ای ایس سی انتظامیہ فوری طور پر بجلی فراہم نہیں کرسکتی تو کم از کم شہریوں کو درست معلومات تو فراہم کرسکتی ہے انھوں نے کہا کہ اگر امکانی طور پر بجلی کی بحالی کا وقت یا دن بتادیا جائے تو وہ متبادل انتظامات کرسکتے ہیں تاہم گرڈ اسٹیشن میں آتشزدگی کے بعد سے کے ای ایس سی کے ترجمان مسلسل ذرائع ابلاغ کے ذریعے گمراہ کن معلومات فراہم کررہے ہیں جس کی وجہ سے متاثرین کی مشکلات میں اضافہ ہوگیا ہے، اس سلسلے میں کے ای ایس سی کا موقف معلوم کرنے کیلیے بار بار کوشش کی گئی لیکن کے ای ایس سی کے ترجمان سے رابطہ ممکن نہ ہوسکا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔