پاکستان کی فتوحات اور بھارتیوں کی مسلسل شکست پر میمز کا طوفان

بھارتی ٹیم کی حالیہ کارکردگی پر شائقین نے عامر خان کی فلم ’لگان‘ کی ٹیم کو موجودہ ٹیم سے بہتر قرار دیا

کامران سرور November 01, 2021

حالیہ شکستوں کے بعد یقیناً بھارت کا غرور بھی خاک میں مل گیا ہوگا۔ (فوٹو: فائل)

لاہور: آئی سی سی ٹی ٹوئنٹی ورلڈکپ میں پاکستان کی لگاتار تین فتوحات اور بھارت کی مسلسل دوسری شکست کے بعد سوشل میڈیا پر میمز کی بھرمار ہے اور خاص طور پر پاکستانی شائقین ان لمحات کا بھرپور فائدہ اٹھاتے ہوئے بھارت سے پچھلے تمام حساب برابر کررہے ہیں۔

ٹی ٹوئنٹی ورلڈکپ میں شاہینوں کی ناقابل یقین کارکردگی پر پاکستانی شائقین خوشگوار حیرت میں مبتلا ہیں اور قومی ٹیم کی ہر فتح کے بعد سوشل میڈیا پر میمز کا طوفان امڈ آتا ہے اور اب تک ان میمز میں پاکستان مخالف ٹیموں کا تمسخر اڑانے کے ساتھ ساتھ قومی کھلاڑیوں کی بھرپور حوصلہ افزائی کی گئی ہے۔ چند ہفتے پہلے تک تو پاکستانی کھلاڑی خاص طور پر خوشدل شاہ، اعظم خان، آصف علی اور حارث رؤف ہی ان میمز بنانے والوں کے ریڈار پر تھے جو ان کھلاڑیوں کی قومی ٹیم میں شمولیت پر خوب لعن طعن کررہے تھے۔

[ytembed videoid="UtwtBjjikng"]

بہرحال یہ پاکستانیوں کا مزاج ہے کہ وہ بہت جلد ماضی کو بھول کر صرف ایک کارکردگی کی بنیاد پر کھلاڑیوں کو ہیرو سے زیرو یا زیرو سے ہیرو بنادیتے ہیں۔ حالیہ ورلڈکپ کے ابتدائی میچوں میں حارث رؤف اور آصف علی کے ساتھ بھی کچھ ایسا ہی ہوا۔ خاص طور پر آصف علی تو اس وقت پاکستانیوں کی آنکھ کا تارا بنے ہوئے ہیں اور یہاں تک کہ انہیں بوم بوم کا لقب بھی دے چکے ہیں۔

ٹی ٹوئنٹی ورلڈکپ میں اب تک ہونے والے سب سے بڑے ٹاکرے کی بات کریں تو پاکستان اور بھارت کی ٹیمیں دبئی میں 24 اکتوبر کو مدمقابل ہوئیں لیکن سوشل میڈیا پر پاک بھارت ٹاکرے کا آغاز اس سے پہلے ہی ہوچکا تھا اور خاص طور پر بھارتی شائقین 'موقع موقع' کرکے پاکستانیوں کو چڑا رہے تھے، تاہم اس بار پاکستانیوں نے تاریخ بدل دی اور پاکستانیوں کو مفت ٹی وی دینے والے بھارتی اپنے ٹی وی سیٹ توڑتے ہوئے دکھائی دیے۔

Well Played Pakistan pic.twitter.com/Uw3kSM8u3e
— Star Sports (@StarSportsIndia) October 25, 2021

آخرکار 24 اکتوبر کو وہ دن آہی گیا جس کا پاکستانیوں کو برسوں سے انتظار تھا اور پاکستان نے نہ صرف ورلڈکپ میں بھارت کو شکست دینے کا خواب پورا کیا بلکہ بھارتی سورماؤں کو تاریخی شکست دے کر ان کا غرور بھی خاک میں ملادیا۔ میچ کی بات کریں تو پاکستان نے بھارتی سورماؤں کو چاروں شانے چپ کردیا اور میچ سے قبل فتح کے بلند بانگ دعوے کرنے والوں پر بابراعظم اور محمد رضوان ہی بھاری پڑگئے۔ بہرحال یہ ہمارا آج کا موضوع نہیں البتہ میچ کے دوران محمد رضوان کی نماز پڑھنے کی ویڈیو خوب وائرل ہوئی جس پر بھارتی بھی تعریف کرتے دکھائی دیے۔

Rizwan praying during Pakistan vs India Match in #T20WorldCup2021 #PAKvIND pic.twitter.com/TM8x84xvPt
— Cricket Tarka (@CricketTarka) October 25, 2021

بھارت کی شکست کے بعد پاک بھارت میچ دیکھنے کےلیے دبئی میں موجود بالی ووڈ اسٹار اکشے کمار کا بھی خوب مذاق اڑایا گیا اور خاص طور پر بھارت کی شکست پر ان کی افسردہ چہرے کے ساتھ تصاویر چند ہی گھنٹوں میں ٹوئٹر کے ٹاپ ٹرینڈ میں شامل ہوگئی تھیں۔

سوشل میڈیا پر پاکستانی شائقین کی جانب سے ویرات کوہلی کو خوب سراہا گیا اور پاکستان کی فتح کے بعد بھارتی کپتان کی جانب سے محمد رضوان کو مبارک باد دینے کے ساتھ ساتھ گلے لگانے کی تصاویر بھی خوب وائرل ہوئی اور اس کے علاوہ سابق بھارتی کپتان دھونی کی بابراعظم ، شعیب ملک اور دھانی کے ساتھ بات چیت کرتے ہوئے تصاویر کی بھی تعریف کی گئی۔ تاہم بھارتیوں سے ویرات کوہلی کا یہ رویہ ہضم نہ ہوا اور انہوں نے ویرات کوہلی کی گراؤنڈ کے اندر ڈانس کرتے ہوئے ایک پرانی ویڈیو کلپ وائرل کرتے ہوئے یہ الزام عائد کردیا کہ وہ پاکستان کی جیت میں خوش ہیں۔

شکست خوردہ بھارتیوں نے اپنی ٹیم کی شکست کا الزام آخری اوور میں پٹائی کھانے والے مسلمان بولر محمد شامی پر عائد کردیا، انتہا پسند ہندوؤں نے محمد شامی کی خوب میمز بناکر وائرل کیں البتہ ویرات کوہلی اور وریندر سہواگ سمیت متعدد بھارتی کرکٹرز شامی کے حق میں سامنے آئے یہاں تک کہ محمد رضوان نے بھی بھارتی بولر کے حق میں ٹوئٹ کر ڈالی۔

The online attack on Mohammad Shami is shocking and we stand by him. He is a champion and Anyone who wears the India cap has India in their hearts far more than any online mob. With you Shami. Agle match mein dikado jalwa.
— Virender Sehwag (@virendersehwag) October 25, 2021

بھارت کی شکست کے بعد سابق کرکٹر نے پہلے ہی بھارت کے ورلڈکپ سے باہر ہونے کی پیشگوئی کرتے ہوئے پاکستان کے فائنل میں پہنچنے کی نوید سنادی تھی اور آج نیوزی لینڈ سے انتہائی اہم میچ میں شکست کے بعد اس تجزیے پر مہر ثابت ہوگئی ہے اور بھارت کے سیمی فائنل میں پہنچنے کے امکانات تقریباً ختم ہوچکے ہیں البتہ کرکٹ میں معجزات کی کمی نہیں کہ کب کیا ہوجائے۔

بھارت سے موقع لینے کے بعد نیوزی لینڈ سے بدلہ لینے کی باری آئی تو سوشل میڈیا پر پاکستانیوں نے ایک بار پھر مورچہ سنبھالا اور راولپنڈی کرکٹ اسٹیڈیم میں آخری لمحات میں سیکیورٹی خدشات کے باعث دورہ منسوخ کرکے پاکستان کو دنیا بھر میں رسوا کرنے والوں کو بھرپور سیکیورٹی فراہم کی۔

قومی ٹیم کی جانب سے بھارتی سورماؤں کو شکست دینے کے بعد پاکستانی مداحوں نے نیوزی لینڈ کی جانب سے دورہ پاکستان منسوخ کرنے کا غصہ سوشل میڈیا میمز کے ذریعے اتارا۔

ایک میم میں پاکستانی کھلاڑیوں کی بھارت اور نیوزی لینڈ کی ٹیم کے ساتھ دکھایا گیا جس پر تحریر کیا گیا ''ابھی تو ہم بدلے ہیں ... بدلے ابھی باقی ہیں''۔

میچ کے دوران سابق اسپیڈ اسٹار شعیب اختر نے بھی دلچسپ ٹویٹ کی، جس میں انہوں نے کہا ''پاکستانیوں سے درخواست ہے کہ وہ ہلکا ہاتھ رکھیں، ایسا نہ ہو اس بار نیوزی لینڈ سیکیورٹی وجوہات نہیں بلکہ زیادہ شور کے باعث میچ منسوخ کرنے کا نہ کہہ دیں''۔

I request all Pakistan fans to remain silent and not enjoy too extravagantly. There is every chance that New Zealand may ask for the match to be called off due to too much noise inside the stadium, if not for security concerns. #T20WorldCup 😉
— Shoaib Akhtar (@shoaib100mph) October 26, 2021

میچ کی بات کی جائے تو اس بار حارث رؤف نے مورچہ سنبھالتے ہوئے نیوزی لینڈ پر بھرپور گولا باری کی جس سے ان کی بیٹنگ لائن سنبھل نہ پائی اور جب کین ولیمسن نے مزاحمت کی کوشش کی تو حسن علی نے انہیں بارڈر کراس کرنے کا کوئی موقع فراہم نہیں کیا۔ پاکستانی کپتان بابراعظم کے جلد مورچہ چھوڑ جانے کے باوجود آصف علی اور شعیب ملک نے نیوزی لینڈ کی سیکیورٹی میں کسی قسم کی کمی نہیں آنے دی اور پوری ٹیم کو بحفاظت ڈریسنگ روم تک پہنچانے کے ساتھ ساتھ پاکستان کی بھی سیمی فائنل میں پہنچنے کی راہ ہموار کردی۔

Kane Williamson could not cross the line due to security isses #PakvsNz #NewZealand #Pakistan #T20WorldCup #ICCT20WorldCup2021 #PakistanZindabad #Pakistan_Ek_Eshq_Ek_Junoon #PakistanCricket pic.twitter.com/FPl8ALTwkT
— Cricket Tarka (@CricketTarka) October 26, 2021

نیوزی لینڈ کی شکست کے بعد ایک صارف نے بھارتی کپتان ویرات کوہلی اور کیوی کپتان کین ولیمسن کے درمیان ہونے والی گفتگو شیئر کی جس میں ولیمسن نے ویرات سے کہا '' اب آپ سمجھ گئے ہوں گے کہ ہم کیوں واپس آ گئے تھے''۔

https://twitter.com/irfaan_amin/status/1452524404693364739

دوسری جانب افغانستان کو شکست دینے کے بعد سوشل میڈیا صارفین نے پڑوسی ملک کے حالات کے باعث افغانی بھائیوں پر ہلکا ہاتھ رکھا البتہ اس بار آصف علی کی بھرپور میمز بنائی گئیں اور سوشل میڈیا پر ان کی پرانی ویڈیوز بھی وائرل ہوئیں۔ بھارتی صارف نے کہا ''اچھا ہوا کہ ہم نے کسی پاکستانی کھلاڑی کو آؤٹ کرنے کی زحمت ہی نہیں کی ورنہ آصف علی تو ہمارے ساتھ بہت برا کرتا''۔

Thank god we didn't take any wkts against Pakistan or else Asif Ali would have finished the game in 15th over itself further damaging our NRR 😂😝
— Prithvi (@Prithvi10_) October 29, 2021

شاداب خان کے 18ویں اوور کی آخری گیند پر سنگل کے لیے بھاگنے اور آصف علی کے منع کرنے پر بھی میمز بنائی گئی۔

Shadab asking for a single*

Asif Ali: pic.twitter.com/fVV1cxKt3w
— Asfandyar Bhittani🇵🇰 (@AsfandBhittani) October 29, 2021

آصف علی نے جب افغانستان کے بولر کریم جنت کو 4 چھکے لگائے تو انگلش آل راؤنڈر بین اسٹوکس کو اپنا ماضی یاد آگیا اور انہوں نے آصف علی کی تعریف کرتے ہوئے ٹوئٹ میں لکھا '' آصف علی ۔۔۔ نام نہیں بھولنا''۔

Remember the name @AasifAli2018
— Ben Stokes (@benstokes38) October 29, 2021

خیال رہے 3 اپریل 2016 کو بھارت کے شہر کلکتہ کے ایڈن گارڈن میں کھیلے گئے ٹی ٹوئنٹی ورلڈکپ کے فائنل میں ویسٹ انڈیز کے آل راؤنڈر کارلوس بریتھ ویٹ نے بین اسٹوکس کو مسلسل 4 چھکے لگاکر اپنی ٹیم کو ورلڈ چیمپئن بنایا تھا اور اس وقت کمنٹری باکس میں موجود این بشپ نے کارلوس کی تعریف میں جو آخری جملا کہا وہ بہت زیادہ وائرل ہوا ''کارلوس بریتھ ویٹ ۔۔ ری میمبر دی نیم''۔

دوسری جانب سابق انگلش کپتان مائیکل وان نے پاکستان اور انگلینڈ کی جانب سے مسلسل 3 میچز جیتنے کے بعد دونوں ٹیموں کی فائنل میں رسائی کی پیشگوئی بھی کرتے ہوئے کہا ''انگلینڈ کو اب صرف پاکستان ہی روک سکتا ہے''۔

England are an outstanding T20 Team .. So much clarity in everything they do .. making a decent Aussie team look very very average .. Pakistan v England final anyone ?? #T20WorldCup #Pak #Eng
— Michael Vaughan (@MichaelVaughan) October 30, 2021

بھارت کی ایونٹ میں مسلسل دوسری شکست کی بات کریں تو کسی کو بھی اس بات کا یقین نہیں تھا کہ پاکستان سے 10 وکٹوں سے ہارنے کے بعد نیوزی لینڈ کے ہاتھوں بھی رسوائی بھارت کا مقدر بنے گی اور اسے 8 وکٹوں سے شکست کا سامنا کرنا پڑے گا۔ بھارتی کرکٹ ٹیم کی حالیہ کارکردگی پر شائقین نے عامر خان کی فلم 'لگان' کی ٹیم کو موجودہ انڈین ٹیم سے بہتر قرار دیا۔

#BanIPL
Seriously pic.twitter.com/SK4UA4CP3F
— meghraj mac meghan (@meghraj_mac) October 31, 2021

بھارت کی اس کارکردگی کی تمام تر ذمہ داری آئی پی ایل پر ڈال دی گئی اور کچھ ہی دیر میں ٹوئٹر پر ''بین آئی پی ایل'' ٹاپ ٹرینڈ بن گیا''، جہاں کھیل سے زیادہ پیسوں پر توجہ دی جاتی ہے اور اکثر غیرملکی کھلاڑی پیسوں کی چمک دھمک دیکھ کی خاطر آئی پی ایل کے دوران اپنے ملک کی جانب سے کھیلنے سے بھی معذرت کردیتے ہیں۔

#BanIPL India is the First Team To Qualify For Mumbai Airport 😛😜 pic.twitter.com/GJS2lBgjkO
— Babar Hayat (@BabarHa76675760) October 31, 2021

آخر میں اس امید کے ساتھ اپنی بات کو ختم کرتا ہوں کہ پاکستان ٹی ٹوئنٹی ورلڈکپ کے سیمی فائنل میں آسٹریلیا اور فائنل میں انگلینڈ کے سیکیورٹی مسائل بھی حل کردے گا اور آج کے بعد کوئی بھی ٹیم کم از کم سیکیورٹی خدشات کا بہانہ بناکر پاکستان کا دورہ منسوخ کرنے کی جرأت نہیں کرے گی۔ حالیہ کارکردگی کے بعد یقیناً بھارت کا غرور بھی خاک میں مل گیا ہوگا اور اب وہ پیسے اور اپنی گھٹیا سیاست کے ذریعے پاکستان کو نیچا دکھانے کے بجائے کھیل پر توجہ مرکوز رکھے گا۔

نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔

اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 سے 1,000 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹوئٹر آئی ڈیز اور اپنے مختصر مگر جامع تعارف کے ساتھ [email protected] پر ای میل کردیجیے۔