پیغام پاکستان پراجیکٹ کے تحت بلوچستان میں ریلیوں اور کھیلوں کی سرگرمیوں کا انعقاد

 کوئٹہ: پیغام پاکستان پراجیکٹ کے تحت بلوچستان کے مختلف علاقوں میں ریلیوں اور کھیلوں کی سرگرمیوں اور طلباء کے تقریری مقابلے کا انعقاد کیا گیا۔

چمن میں نکالی گئی ریلی میں سیکڑوں شہریوں نے شرکت کی۔

ضلع لسبیلہ میں عوام کے لیے فری میڈیکل کیمپ لگائے گئے، کیمپوں میں درجنوں افراد کو چیک اَپ کے ساتھ ادویات فراہم کی گئیں۔

نوجوانوں کے لیے ضلع چاغی اور اور ضلع کیچ میں کرکٹ میچ کا انعقاد ہوا جبکہ پنجگور اور سبی میں فٹبال کے میچوں کا انعقاد کیا گیا۔ ان مقابلوں میں مقامی کھلاڑیوں اور شائقین نے سیکڑوں کی تعداد میں حصہ لیا اور اس موقع پر شرکاء کا جوش قابل دید رہا۔

ضلع نوشکی میں طلباء کے لیے تقریر کا مقابلہ منعقد کیا گیا جس میں 140 طلباء شریک ہوئے۔