پی آئی اے نے لازمی سروسز ایکٹ پھر لاگو کردیا

کراچی: پاکستان انٹرنیشنل ایئرلائنز نے لازمی سروسز ایکٹ پھر لاگو کردیا۔

سی ای او پی آئی اے کے دستخط سے احکامات جاری کیے گئے ہیں، حکمنامے کے مطابق ملازمین پرفرائض کی انجام دہی کے لیے بھاری ذمے داری عائد ہوتی ہے، پیشہ ورانہ ذمہ داریوں میں غفلت ایکٹ کے تحت جرم کے طور پر لیا جائیگا، کوئی بھی ملازم حکم عدولی کے باعث اپنے خلاف تادیبی کارروائی کا ذمے دارہوگا۔

یہ بھی پڑھیں: اے ٹی آر طیارہ حادثات پی آئی اے انتظامیہ کی غفلت سے ہوئے، آڈیٹر جنرل

تمام شعبوں کے سربراہان ایکٹ کا نفاذ یقینی بنائیں،ملکی مالی حالات کے پیش نظرادارہ اس وقت غیرمعمولی حالات سے گزر رہا ہے،اس قسم کے رویوں کا قطعی متحمل نہیں ہوسکتا،لازمی خدمات ایکٹ کا اطلاق صورتحال سے نمٹنے کا کام کررہا ہے۔