بھارت میں آئی پی ایل پلیئرز کی بیگمات بھی چھیڑچھاڑ سے محفوظ نہیں! ویڈیو وائرل

دہلی: بھارت میں انڈین پریمئیر لیگ (آئی پی ایل) پلیئرز کی بیگمات بھی چھیڑچھاڑ سے محفوظ نہیں رہیں۔

بھارتی اداکار شاہ رخ خان کی فرنچائز کولکتہ نائٹ رائیڈرز کے کپتان نتیش رانا کی اہلیہ ساشی ماروا کو نامعلوم نوجوانوں نے پیچھا کرکے ڈرا دیا، جس کی ویڈیو انہوں نے سوشل میڈیا پر اَپ لوڈ بھی کی جبکہ پولیس نے واقعہ کی رپورٹ بھی درج کرنے سے انکار کردیا۔

یہ بھی پڑھیں: آئی پی ایل؛ گمبھیر، کوہلی اور نوین الحق پر جرمانے

ساشی نے بتایا کہ آفس سے گھر جاتے ہوئے بائیک پر سوار 2 لڑکوں نے میرا پیچھا کیا اور بغیر کسی وجہ کے میری گاڑی کو ہٹ بھی کیا، جس سے میں بہت زیادہ ڈر گئی اور گھر جاتے ہی دہلی پولیس کو فون کرکے واقعہ سے آگاہ کرتے ہوئے رپورٹ درج کرنے کو کہا، مگر وہاں سے جواب ملا کہ چونکہ آپ خیریت سے گھر پہنچ گئی ہیں اس لیے اس معاملے کو بھول جائیں، اگر دوبارہ وہ لڑکے پیچھا کریں تو بائیک کا نمبر نوٹ کرنے کی کوشش کریں۔

ساشی نے پولیس کے اس جواب شدید فرسٹریشن اور برہمی کا اظہار کیا۔