کراچی ڈیفنس سے 20 روزقبل پراسرار طور پر لاپتا ہونے والی لڑکی بازیاب
لڑکی نے ابتدائی بیان میں کہا ہے کہ وہ اپنی بہن اوروالدہ سے ناراض ہوکر گھر چھوڑ کر چلی گئی تھی، پولیس
ڈیفنس کھڈا مارکیٹ سے 20 روز قبل پر اسرار طور پر لا پتہ ہونے والی نوجوان لڑکی کو پولیس نے کالا پل سے بازیاب کرالیا۔
تفصیلات کے مطابق درخشاں انویسٹی گیشن پولیس نے ڈیفنس کھڈا مارکیٹ سے 20 روز قبل پراسرارطور پرلاپتہ ہونے والی نوجوان لڑکی 19سالہ ادینہ دخترسمیع اللہ کو کالا پل سے بازیاب کرالیا۔
درخشاں انویسٹی گیشن پولیس نے بتایا کہ بازیاب کرائی جانے والی لڑکی 20 اپریل کو ڈیفنس کھڈا مارکیٹ سے پراسرارطور پرلاپتہ ہوگئی تھی جس کے اغوا کا مقدمہ الزام نمبر23/187 بجرم دفعہ365 بی کے تحت درخشاں تھانے میں درج کیا گیا تھا۔
درخشاں انویسٹی گیشن پولیس نے لڑکی کو ٹیکنیکل ٹیم اور ہیومن انٹیلیجنس کی مدد سے بازیاب کروایا، پولیس کے مطابق بازیاب کرائی جانے والی لڑکی نے ابتدائی بیان میں بتایا ہے کہ وہ اپنی حقیقی بہن اوروالدہ سے ناراض ہوکرگھرچھوڑکرچلی گئی تھی۔
پولیس کے مطابق بازیاب کرائی جانے والی لڑکی سے مزید تفتیش کی جا رہی ہے۔
دریں اثنا فریئرانویسٹی گیشن پولیس نے چوری کی واردات میں ملوث ملزم امام ڈنو ولد ڈوڈوکوسی سی ٹی وی فوٹیج اور ٹیکنیکل ٹیم کی مدد سے گرفتار کرکے ملزم کی نشاندہی پرچوری شدہ لیپ ٹاپ برآمد کرلیا۔
پولیس کے مطابق گرفتارملزم کا سابقہ کریمنل ریکارڈ چیک کیا جا رہا ہے اور ضابطے کی مکمل کرائی جا رہی ہے۔