آن لائن لون ایپ سے فراڈ کرنیوالا غیرملکی باشندہ گرفتار

ملزم ایپ سے شہریوں کے ڈیٹا تک رسائی حاصل کر کے انھیں بلیک میل بھی کرتا تھا (فوٹو فائل)

---

ایف آئی اے سائبر کرائم نے آن لائن لون ایپ سے فراڈ کرنیوالے غیرملکی باشندے کو گرفتار کرلیا۔

ایف آئی اے سائبر کرائم کی کارروائی، آن لائن لون ایپ کے ذریعے فراڈ کرنیوالے غیرملکی باشندے کو گرفتار کرلیا، ملزم کو گلبرگ لاہور سے گرفتار کیا گیا۔

یہ بھی پڑھیں: عوام سے فراڈ کا ملزم سیف الرحمن خان نیازی گرفتار

ملزم کا جیان لی یانگ ہے اور پاکستان میں آن لائن لون ایپ کے ذریعے فراڈ کرنیوالوں کا سربراہ ہے، ملزم نے دوران تفتیش سیکڑوں لوگوں سے فراڈ کا اعتراف کیا ہے، ملزم نے بہت سے پاکستانی شہریوں کو اپنے پاس اس کام کیلیے ملازم رکھا ہوا تھا۔

ملزم دس ماہ سے پاکستان میں یہ کام کر رہا تھا ، آن لائن لون ایپ کے ذریعے شہری کے ڈیٹا تک رسائی حاصل کرکے انہیں بلیک میل بھی کرتا تھا، ایف آئی اے نے مقدمہ درج کرکے تفتیش شروع کردی۔