تقسیم کار کمپنیاں آئی پی پیز سے براہ راست بجلی خرید سکیں گی، کابینہ کمیٹی نے منظوری دیدی

آئی این پی  ہفتہ 25 نومبر 2023
حکومت نے یہ فیصلہ کیپسٹی پیمنٹ سے چھٹکارے کیلیے اٹھایا ہے (فوٹو: فائل)

حکومت نے یہ فیصلہ کیپسٹی پیمنٹ سے چھٹکارے کیلیے اٹھایا ہے (فوٹو: فائل)

اسلام آباد: وفاقی کابینہ کی توانائی کمیٹی نے بجلی خریداری کے لیے ہول سیل مارکیٹ کے قیام کی منظوری دیدی ہے۔

حکومت نے یہ فیصلہ کیپسٹی پیمنٹ سے چھٹکارے کیلیے اٹھایا ہے، اب تقسیم کار کمپنیاں حکومت کے بجائے براہ راست آئی پی پیز سے بجلی خرید سکیں گی۔

یہ بھی پڑھیں: آئی پی پیز کا منصوبہ بجلی نظام میں بہتری لانے کیلیے شروع کیا گیا تھا

وزارت توانائی کے حکام کے مطابق ہول سیل مارکیٹ کیلیے تیار سافٹ وئیرز کا تجربہ کامیاب ہو چکا ہے۔ پہلے مرحلے میں بلک اور ایک میگاواٹ تک بجلی استعمال کرنے والے ہول سیل مارکیٹ پر منتقل ہوں گے جو مجموعی صارفین کا 16 فیصد ہیں،مقابلے کے اس رجحان سے صارفین کو سستی بجلی ملے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔