کراچی میں ڈاکوؤں اور پولیس کے درمیان مقابلے کی زد میں آکر 23 سالہ لڑکی جاں بحق

اسٹاف رپورٹر  پير 11 دسمبر 2023
فوٹو ایکسپریس

فوٹو ایکسپریس

  کراچی: شہر قائد کے علاقے نیو کراچی میں پولیس اور ڈکیتوں کے درمیان فائرنگ کی زد میں راہ گیر خاتون گولی لگنے سے جاں بحق ہوگئی۔

تفصیلات کے مطابق نیو کراچی میں واقع اللہ والی چورنگی کے قریب پولیس اور ڈکیتوں کے درمیان فائرنگ کا تبادلہ ہوا جس کی زد میں آکر 23 سالہ خاتون حمیدہ جاں بحق ہوئی۔

شوہر نے پولیس اہلکار ’عدیل پتافی‘ پر فائرنگ کا الزام عائد کرتے ہوئے کہا کہ ’ہم بچے کو ڈاکٹر کو دکھا کر واپس آرہے تھے کہ اس دوران ہمارے سامنے سے دو لڑکے بھاگتے ہوئے گئے جن پر پولیس اہلکار نے فائرنگ کی‘۔

انہوں نے الزام عائد کیا کہ میری بیوی پولیس اہلکار عدیل پتافی کی فائرنگ سے جاں بحق ہوئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔