3ماہ کے لیے بجلی کی قیمت میں 4 روپے 40 پیسے اضافہ متوقع

آن لائن  پير 12 فروری 2024
صارفین پر 82ارب روپے کا اضافی بوجھ پڑے گا، رپورٹ (فوٹو: فائل)

صارفین پر 82ارب روپے کا اضافی بوجھ پڑے گا، رپورٹ (فوٹو: فائل)

اسلام آباد: آئندہ 3ماہ کیلیے بجلی کی قیمتوں میں4 روپے 40 پیسے اضافہ متوقع ہے جب کہ وزارت توانائی نے نیپرا میں درخواست دائر کر دی۔

میڈیا رپورٹ کے مطابق نیپرا14 فروری کودرخواست کی سماعت کرے گا، بجلی کی قیمت میں نیااضافہ سہ ماہی ایڈجسٹمٹ کی مد میں کیا جائے گا، اس سے صارفین پر 82ارب روپے کا اضافی بوجھ پڑے گا۔

یہ بھی پڑھیں: بجلی کی قیمت میں 4 روپے 56 پیسے فی یونٹ اضافہ

وزارت توانائی کی درخواست کے متن کے مطابق فیسکو نے 9ارب 44 کروڑ، پیسکو نے 11ارب 60کروڑ، میپکو نے 15ارب، لیسکو نے15ارب 10 کروڑ،کیسکو نے10ارب کا اضافہ مانگاہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔