چیف جسٹس کیخلاف سوشل میڈیا پر دھمکی آمیز مہم چلانے والا شخص گرفتار

ویب ڈیسک  جمعرات 22 فروری 2024
—فائل فوٹو

—فائل فوٹو

 اسلام آباد: چیف جسٹس آف پاکستان کے خلاف سوشل میڈیا پر دھمکی آمیز مہم چلانے والے شخص کو گرفتار کرلیا گیا۔

ذرائع کے مطابق 20 فروری کو راولپنڈی کے علاقے پینڈورا کے رہائشی عبدالواسع نے چیف جسٹس کے خلاف غلیظ اور دھمکی آمیز سوشل میڈیا مہم میں حصہ لیا، عبدالواسع نے ایکس پر چیف جسٹس کو دھمکیاں دیں اور کردار کشی کی سوشل میڈیا مہم میں بھی حصہ لیا۔

قانون نافذ کرنے والے اداروں نے فوری کارروائی کرتے ہوئے عبدالواسع کو حراست میں لے لیا۔

چیف جسٹس کے خلاف سوشل میڈیا مہم میں شامل باقی کرداروں کی شناخت کا عمل جاری ہے، باقی ملوث افراد کی نشان دہی کے بعد ایسے تمام افراد کے خلاف سخت قانونی کارروائی عمل میں لائی جا رہی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔