سابق پی ٹی آئی ایم پی اے چوہدری عدنان کی ٹارگٹ کلنگ میں ملوث دو ملزمان گرفتار

نمائندہ ایکسپریس  جمعرات 29 فروری 2024
دونوں ملزمان کو شناخت پریڈ کے لیے اڈیالہ جیل منتقل کردیا ہے

دونوں ملزمان کو شناخت پریڈ کے لیے اڈیالہ جیل منتقل کردیا ہے

 راولپنڈی: پی ٹی آئی کے سابق ایم پی اے چوہدری عدنان کی ٹارگٹ کلنگ میں ملوث دو ملزمان کو راولپنڈی پولیس نے گرفتار کرلیا، پولیس نے ملزمان سے تفتیش مکمل کرنے کے بعد شناخت پریڈ کے لیے اڈیالہ جیل منتقل کردیا۔

پولیس ذرائع نے بتایا کہ سابق ایم پی اے اور پارلیمانی سیکرٹری پنجاب چوہدری عدنان قتل کیس میں راولپنڈی پولیس کو بڑی کامیابی ملی ہے، پولیس نے دو ملزمان کو گرفتار کرکے تفتیش مکمل کرلی ہے۔

دونوں ملزمان کو شناخت پریڈ کے لیے اڈیالہ جیل منتقل کردیا ہے، سابق ایم پی اے چوہدری عدنان کو 12 فروری کو تھانہ سول لائنز کے انتہائی حساس علاقے میں ٹارگٹ کلنگ واردات میں قتل کیا گیا جس کا مقدمہ تھانہ سول لائنز میں درج ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔