نیویارک میں پاک بھارت مقابلے کا وینیو تیزی سے تکمیل کی جانب گامزن

اسپورٹس رپورٹر  بدھ 6 مارچ 2024
تعمیراتی کام کا ایک ماہ مکمل ہونے پر آئی سی سی کی جانب سے ویڈیو جاری کردی گئی۔ فوٹو: آئی سی سی

تعمیراتی کام کا ایک ماہ مکمل ہونے پر آئی سی سی کی جانب سے ویڈیو جاری کردی گئی۔ فوٹو: آئی سی سی

لاہور: نیویارک میں پاک بھارت مقابلے کا وینیو تیزی سے تکمیل کی جانب گامزن ہے۔

ٹی20 ورلڈکپ میں وہاں روایتی حریفوں کے مقابلے سمیت 8میچز کھیلے جائیں گے، نساؤ کاؤنٹی اسٹیڈیم میں 34ہزار تماشائیوں کی گنجائش ہوگی، تعمیراتی کام کا ایک ماہ مکمل ہونے پر آئی سی سی کی جانب سے ویڈیو جاری کردی گئی۔

یہ بھی پڑھیں: پاک بھارت میچ کی ٹکٹیں ری سیل سائٹس پر لاکھوں میں فروخت کیلیے پیش

ہیڈ آف ایونٹس کرس ٹیٹلی کا کہنا ہے کہ وینیو کی تعمیر میں خاصی اہم پیش رفت ہوئی ہے،شاندارمقابلوں سے شائقین کو بھرپور تفریح فراہم ہوگی۔

چیف ایگزیکٹو بریٹ جونز نے کہا کہ ہم اسٹیڈیم میں دنیا بھر سے آنے والے تماشائیوں کا استقبال کرنے کیلیے تیار ہیں،چند میچز کے ٹکٹ ابھی دستیاب ہیں، امید ہے کہ یہاں ہائوس فل ہوں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔