ہیٹ ویو کا خدشہ؛ سندھ میں انٹرمیڈیٹ کے امتحانات کی تاریخ آگے بڑھا دی گئی

اسٹاف رپورٹر  اتوار 19 مئ 2024
(فوٹو: فائل)

(فوٹو: فائل)

  کراچی: گرمی کی شدید لہر (ہیٹ ویو)  کے خدشے کے پیش نظر سندھ بھر میں انٹر میڈیٹ کے سالانہ امتحانات کی تاریخ آگے بڑھا دی گئی۔ 

وزیراعلیٰ سندھ سید مراد علی شاہ نے یونیورسٹیز اینڈ بورڈ کے صوبائی وزیر محمد علی ملکانی کی سفارش پر امتحانات  کے انعقاد میں 5  روز کی تاخیر کی  منظوری دے دی۔

ترجمان وزیراعلیٰ سند ھ کے مطابق  انٹر میڈیٹ کے امتحانات 22 مئی کے بجائے اب 27 مئی سے شروع ہوں گے۔

وزیراعلیٰ سندھ کی ہدایت پر یونیورسٹیز اینڈ بورڈ نے امتحانات کی تاریخ تبدیل کرنے کا نوٹیفکیشن جاری کردیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔