ایشیائی ترقیاتی بینک کی پاکستان کو 25 کروڑ ڈالر قرض کی منظوری

ارشاد انصاری  جمعـء 21 جون 2024
ایشیائی ترقیاتی بینک کے اعلامیےمیں کہا گیا کہ رقم پبلک پرائیویٹ پارٹنرشپ کے تحت استعمال ہوگی—فوٹو: فائل

ایشیائی ترقیاتی بینک کے اعلامیےمیں کہا گیا کہ رقم پبلک پرائیویٹ پارٹنرشپ کے تحت استعمال ہوگی—فوٹو: فائل

 اسلام آباد: ایشیائی ترقیاتی بینک(اے ڈی بی ) نے پاکستان کو 25 کروڑ ڈالر قرض فراہم کرنے کی منظوری دے دی۔

ایشیائی ترقیاتی بینک کی جانب سے جاری اعلامیے کے مطابق پاکستان اور ایشیائی ترقیاتی بینک کے درمیان قرض کے معاہدے پردستخط  ہو گئے ہیں۔

اعلامیے میں کہا گیا کہ معاہدے پر ایشیائی ترقیاتی بینک کی جانب سےاے ڈی بی کنٹری ڈائریکٹر یونگ یی اور پاکستان کی طرف سے سیکریٹری ای اے ڈی کاظم نیاز نے دستخط کردیے ہیں۔

مزید بتایا گیا کہ 25 کروڑ ڈالر کے فنڈز انفرااسٹرکچر اورخدمات کےشعبےمیں سرمایہ کاری پر خرچ ہوں گے اور یہ رقم پبلک پرائیویٹ پارٹنرشپ کے تحت استعمال کی جائےگی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔