- نظام انصاف ٹھیک ہونے تک کچھ ٹھیک نہیں ہوگا:فیصل واوڈا
- پہلا ٹی ٹوئنٹی: ویسٹ انڈیز نے پاکستان ویمن ٹیم کو ایک رن سے شکست دے دی
- خیبر پختونخوا: صوبائی وزراء اور مشیروں کی مراعات میں اضافے کی سمری تیار
- فوج سے جلد مذاکرات ہوں گے، آرمی چیف اور ڈی جی آئی ایس آئی سے بات ہوگی، شہریار آفریدی
- چین میں پاکستان کیلئے تیار ہونے والی پہلی ہنگور کلاس آبدوز کا افتتاح
- وزیراعظم کی ہدایت پر کرپشن میں ملوث ایف بی آر کے 13 اعلیٰ افسران عہدوں سے فارغ
- پتوکی کے دو بے گناہ نوجوان بھارت سے رہا ہوکر پاکستان پہنچ گئے
- بی آر ٹی کا مالی بحران سنگین، حکومت کا کلومیٹر کے حساب سے کرایہ بڑھانے کا فیصلہ
- محموداچکزئی کے وارنٹ گرفتاری جاری، 27 اپریل کو عدالت میں پیش کرنے کا حکم
- چینی صدر اور امریکی وزیرخارجہ کی شکوے شکایتوں سے بھری ملاقات
- لاہور؛ 10 سالہ گھریلو ملازمہ پراسرار طور پر جھلس کر جاں بحق، گھر کا مالک گرفتار
- اغوا برائے تاوان کی واردات کا ڈراپ سین؛ مغوی نے دوستوں کے ساتھ ملکر رقم کا مطالبہ کیا
- فیس بک کے بانی کو 50 کھرب روپے کا نقصان ہوگیا
- عازمین حج کیلئے خوشخبری، جناح انٹرنیشنل ایئرپورٹ روڈ ٹومکہ میں شامل
- اسٹاک ایکسچینج میں کاروباری میں تیزی، انڈیکس 72 ہزار 742 پوائنٹس پر بند
- بلدیہ پلازہ میں بیٹھے وکلا کمرے کا ماہانہ کرایہ 55 روپے دیتے ہیں، وزیراعلیٰ بلوچستان
- انٹربینک مارکیٹ میں ڈالر کی نسبت روپیہ تگڑا
- کچے کے ڈاکوؤں سے رابطے رکھنے والے 78 پولیس اہلکاروں کا کراچی تبادلہ
- ایک ہفتے کے دوران 15 اشیا کی قیمتیں بڑھ گئیں
- چینائی میں پاکستانی 19 سالہ عائشہ کو بھارتی شخص کا دل لگادیا گیا
سیکیورٹی خدشات، واجبات کی عدم ادائیگی، 9 یوسیز میں انسداد پولیو مہم شرو نہ ہوسکی
کراچی: کراچی میں سہ روزہ انسداد پولیو مہم رینجرز اور پولیس کی نگرانی میں شروع ہوگئی، مہم کے پہلے روزلیڈی ہیلتھ ورکرز کو واجبات کی عدم ادائیگی اورکشیدہ حالات کے سبب نارتھ ناظم آباد، سائٹ، گلبرگ اور اورنگی ٹاؤن سمیت 9یونین کونسلوں میں انسداد پولیو مہم شروع نہیں ہوسکی۔
محکمہ صحت سندھ کے مطابق کراچی کے 16 ٹاؤنز کی 86 یونین کونسلوں کے 5سال تک کی عمر کے 5 لاکھ 75 ہزار بچوں کو پولیو وائرس سے بچاؤ کی حفاظتی خوراک پلانے کے لیے سہ روزہ انسداد پولیو مہم شروع کی گئی ہے، گلبرگ اور نارتھ ناظم آباد میں پولیو رضاکاروں نے واجبات کی عدم ادائیگی پر پولیو مہم میں حصہ لینے سے انکار کردیا، رضاکاروں کا کہنا تھا کہ ہمیں جب تک واجبات ادا نہیں کیے جائیں گے ہم انسداد پولیو مہم میں حصہ نہیں لیں گے۔
سائٹ ٹاؤن کی یوسی 6اور 7جبکہ اورنگی ٹاؤن کی یوسی 4 میں اے این پی کے رہنما کے قتل کے بعد ہونے والی کشیدگی کے سبب انسداد پولیو مہم روک دی گئی اور پولیس نے پولیو رضاکاروں کوواپس بھیج دیا ، ڈائریکٹر ہیلتھ کراچی ڈاکٹر ظفر اعجاز نے بتایا کہ انسداد پولیو مہم کے پہلے روز شہر کی 9یونین کونسلوں میں مہم شروع نہیں ہو سکی ہے ،پیر کے روز انسداد پولیو مہم معمول کے مطابق جاری رہی تاہم اورنگی اور سائٹ ٹاؤن میں کشیدگی کے باعث پولیو مہم روکی گئی تھی۔
نارتھ ناظم آباد میں پولیو رضاکاروں کی جانب سے واجبات کے مسئلے پر مہم روکی گئی تھی تاہم معاملات طے پا گئے، اب پولیو رضاکار منگل کو مہم میں شریک ہوں گے،منگل کو شہرکے 16 ٹاؤنز کی 86 یونین کونسلوں میں مہم جاری رہے گی، سہ روزہ انسداد پولیومہم میں1706 ٹیمیں تشکیل دی گئی ہیں، مہم 26 نومبر تک جاری رہے گی، مہم کوکامیاب بنانے کے لیے حساس علاقوں میں رینجرز اور پولیس کے اہلکار تعینات کیے گئے ہیں تاکہ کوئی بھی بچہ پولیو وائرس کی حفاظتی خوراک پینے سے محروم نہ رہ جائے، حساس یونین کونسلوں کی قانون نافذ کرنیوالے ادارے نے ایک رات قبل نگرانی شروع کردی تھی۔
واضح رہے کہ رواں سال ملک بھر میں262 پولیوکیسزکی تصدیق کی جاچکی ،ان میں کراچی کے 24 جبکہ اندرون سندھ کے 3 کیس شامل ہیں،کراچی سمیت ملک بھر میں پولیو کیسز کی بڑھتی ہوئی تعداد کے پیش نظر عالمی ادارہ صحت نے حکومت پاکستان کو وائرس کے خاتمے کے لیے2015تک کا ہدف دیاہے، اگر حکومت نے یہ ہدف مکمل نہ کیا تو پاکستانیوں پر بیرون ملک جانے کے دوران سفری پابندیاں مزید سخت کردی جائیں گی، مخصوص مشین کے ذریعے پاکستانیوں کے جسم میں پولیو وائرس کی تصدیق کی جائیگی۔
ذرائع کے مطابق جس پاکستانی مسافر کے جسم میں پولیو وائرس پایا گیا تو اس کو ڈی پورٹ کردیا جائے گا جس سے حکومت اور پاکستانیوں کو نقصان کا سامنا ہوگا، اندرون سندھ میں ایک اور بچی پولیو وائرس کا شکار ہوگئی،متاثرہ بچی سمیرا کی عمر 4ماہ کی بتائی گئی،اس طرح اندرون سندھ میں4 جبکہ کراچی میں 23بچے پولیو وائرس کا شکار ہوگئے،سندھ میں مجموعی طورپر 27بچے جبکہ فاٹا میں164بچے،کے پی کے56،بلوچستان12 ، پنجاب سے3 بچوں کو وائرس کی تصدیق کی گئی، امسال ملک بھر میں مجموعی طور پر 262 بچے پولیو وائرس کا شکار ہوچکے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔