- گٹر میں گرنے والے بچے کی والدہ کا واٹر بورڈ پر 6 کروڑ حرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
امریکی طیاروں کی افغانستان میں اسپتال پرآدھے گھنٹے تک بمباری؛ عملے کے ارکان سمیت 19 افراد ہلاک
کابل: امریکی جنگی طیاروں نے قندوز میں بین الاقوامی اسپتال پر بمباری کردی جس کے نتیجے میں عملے کے 9 ارکان سمیت 19 افراد ہلاک ہوگئے جس میں 2 بچے بھی شامل ہیں۔
غیر ملکی خبر رساں اداے کے مطابق قندوز میں طالبان کا قبضہ چھڑانے کے لیے امریکی طیاروں نے فضائی حملہ کیا جس کا نشانہ طالبان کی بجائے بین الاقوامی طبی ادارہ ایم ایس ایف کی عمارت بن گئی جس میں عملے کے 9 ارکان سمیت 19 افراد ہلاک اور37 زخمی ہوگئے جب کہ اسپتال ذرائع کا کہنا ہے کہ ہلاکتوں میں اضافے کا خدشہ ہے۔ بین الاقوامی طبی ادارے کے ایک اہلکار کے مطابق انہوں نے قندوز میں حملے سے قبل امریکی اوراتحادی فوجوں کو مطلع کردیا تھا کہ یہاں ایک عالمی اسپتال بھی موجود ہے تاہم اس کے باوجود امریکی طیاروں نے نہ صرف اسپتال پر بمباری کی بلکہ 30 منٹ تک اسپتال پر بم برساتے رہے۔
فرانسیسی امدادی ادارے ایم ایس ایف کے جاری بیان میں بھی کہا گیا ہے کہ قندوز میں ان کے ٹراما سینٹر کو نشانہ بنایا گیا، انتہائی افسوس سے بتایا جا رہا ہے کہ تنظیم کے 9 ممبران سمیت اس حملے میں 19 افراد ہلاک، 37 زخمی اور کئی لاپتہ ہیں۔ بیان میں مزید کہا گیا ہے کہ حملے کے آغاز میں ہی کابل اور واشنگٹن کو بتا دیا تھا کہ اسپتال کو نشانہ نہ بنایا جائے۔
دوسری جانب افغان فوج کے ترجمان نے دعوی کیا ہے کہ طالبان نے اسپتال میں پناہ لے رکھی تھی اور وہاں سے امریکی اور افغان فوجوں پر حملہ کیا جارہا تھا تاہم وہ اس حملے میں امدادی کارکنان کے ہلاک ہونے پر دکھ کا اظہار کرتے ہیں۔
دوسری جانب اقوام متحدہ نے امریکی حملے میں عام شہریوں کی ہلاکتوں کو جنگی جرم قرار دیا ہے جب کہ امریکا کے ڈیفنس چیف ایش کارٹر کا کہنا ہے کہ اسپتال میں طیاروں کی بمباری المناک حادثہ ہے تاہم امریکی فوج افغان آرمی کی حمایت میں کارروائی کر رہی ہے تاہم المناک حادثے کی افغان حکومت کے ساتھ مل کر شفاف تحقیقات کی جارہی ہیں۔ انہوں نے کہا کہ قندوز میں آخر کیا ہوا اسے جاننے کی کوشش کی جارہی ہے تاہم ہماری تمام تر ہمدردیاں متاثرہ افراد کے ساتھ ہیں۔
واضح رہے کہ ایم ایس ایف ٹراما سینٹر قندوز میں واحد طبی مرکز ہے جہاں انتہائی زخمی مریضوں کا علاج کیا جاتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔