- ایپل کا ’سیلف-ہیلنگ‘ فولڈ ایبل آئی فون پر کام جاری
- مہنگائی کی شرح میں کمی کے باوجود 19اشیاء کے نرخ بڑھ گئے
- بات اب عمران خان کے قتل کی طرف جاتی ہوئی دکھائی دے رہی ہے، تحریک انصاف
- جامعہ کراچی بم دھماکا؛ بی ایل اے کے 5مفرور دہشتگردوں کے ناقابل ضمانت وارنٹ گرفتاری جاری
- بین الاقوامی فوجداری عدالت کو تسلیم نہیں کرتے؛ امریکا
- پختونخوا؛ سرکاری ملازمین کی تنخواہوں ، پنشن اور مزدور کی کم از کم اجرت میں اضافہ
- پی ٹی آئی حکومت کی وجہ سے سی پیک پر کام بند ہوا، احسن اقبال
- سیاسی محاذ آرائی کے خواہشمندوں سے کوئی بات نہیں ہوسکتی، وزیر اطلاعات
- ٹی20 ورلڈکپ؛ چیئرمین پی سی بی نے قومی ٹیم کا اعلان روک دیا
- سونے کی عالمی اور مقامی مارکیٹوں میں قیمت مسلسل چوتھے دن کم
- واہگہ بارڈر کے نزدیک منشیات لے جانے والا ڈرون گر گیا
- شاہد آفریدی ٹی20 ورلڈکپ 2024 کے ایمبسڈر منتخب
- اسلام آباد ہائیکورٹ نے پیمرا کو ٹی وی چینلز کیخلاف کارروائی سے روک دیا
- اسرائیل نے فلسطین کو تسلیم کرنے پر اسپین کے قونصل خانے کو کام سے روکدیا
- کولمبیا کا فلسطین میں سفارت خانہ کھولنے کا اعلان
- تربوز کو ٹیکہ لگانے کی بحث سے کاشتکار پریشان، ماہرین نے پروپیگنڈا قرار دیدیا
- امریکا اسرائیل گٹھ جوڑ؛ نیتن یاہو کانگریس کے مشترکہ اجلاس سے خطاب کریں گے
- کراچی؛ اپنے اغوا اور قتل کا جھوٹا ڈراما رچانے والا 24سالہ نوجوان زندہ بازیاب
- بھارتی ٹیم کوچنگ معمہ بن گئی! جے شاہ کا ردعمل بھی سامنے آگیا
- بشکیک سے طلباء اپنی مرضی سے پاکستان آرہے ہیں، دفتر خارجہ
سندھ میں تراویح، شبینہ اور افطار دسترخوان پر پابندی زیر غور
کراچی: کورونا وائرس کی روک تھام کے لیے سندھ میں پہلی مرتبہ ماہ صیام میں بڑے پیمانے پر افطار دسترخوان، عوامی مقامات پر نماز تراویح اور شبینہ کے اجتماعات پر پابندی لگانے کی تجویز زیر غور ہے۔
ذرائع کے مطابق رمضان المبارک میں سرکاری سطح پر افطار عشائیوں کا اہتمام نہیں ہوگا، رمضان المبارک کے دوران پابندیوں سے مستشنی کاروبار کے لیے اوقات کار اور وسط رمضان سے عید خریداری کے لیے دکانیں کھولنے سے متعلق مختلف تجاویز زیر غور ہیں۔
ذرائع کے مطابق عالمی وباء کورونا وائرس کے پیش نظر ماہ صیام میں اقدامات سے متعلق فیصلوں پر سندھ حکومت شدید اضطراب کا شکار ہے اور اجتماعی عبادات سے متعلق وفاقی حکومت کے فیصلوں پر تشویش میں مبتلا ہے۔ سندھ حکومت کے مطابق طبی ماہرین کورونا وائرس الرٹ جاری کررہے ہیں اور آنے والے خطرات سے آگاہ کررہے ہیں کہ آئندہ دنوں میں کورونا کیسز کی تعداد میں اضافے کا خدشہ ہے جس کے باعث عوامی سرگرمیوں کو محدود کرنے کے ساتھ لاک ڈاون میں توسیع اور سختی کی جائے۔
ماہ رمضان کے آغاز میں چند روز باقی ہیں تاہم سندھ حکومت اس حوالے سے کوئی حتمی فیصلہ اور اعلامیہ جاری نہیں کرسکی ہے کہ لوگوں کے سماجی معاشی اور مذہبی امور کس طرح انجام دئیے جائیں گے۔ محکمہ داخلہ سندھ نے تاحال مساجد میں تروایح کے اجتماعات کو محدود کرنے یا کوئی تحریری ایس اوپی تاحال جاری نہیں کیا۔
ذرائع کا کہنا ہے کہ وزیراعلی سندھ مراد علی شاہ اور کابینہ ارکان علماء کرام سے رابطے میں ہیں اور انہیں درپیش خطرات پر اعتماد میں لینے کی بھرپور کوششیں کر رہے ہیں۔
ذرائع کا کہنا ہے کہ وزیراعلی مرادعلی شاہ نے اہم فیصلوں سے متعلق پارٹی کی اعلی قیادت سے بھی مشاورت کرلی ہے سندھ کے وزراء اور پیپلز پارٹی رہنماؤں کا موقف ہے کہ خدانخواستہ کورونا وائرس کے سبب صورتحال مزید خراب ہوتی ہے تو سندھ حکومت ہی کو مورد الزام ٹھہرایا جائے گا۔
اس حوالے سے سندھ حکومت نے فیصلہ کیا ہے کہ رواں سال ماہ رمضان المبارک میں سرکاری اور نجی سطح پر افطار عشائیوں پر پابندی ہوگی اور سیاسی جماعتوں سے بھی درخواست کی جائے گی کہ وہ عوام کے تحفظ کے لیے کسی بھی سطح پر افطار پارٹیوں کے انعقاد سے گریز کریں ذرائع کا کہنا ہے کہ آئندہ ایک دو روز میں رمضان المبار ک کے حوالے سے ایس او پی جاری کیے جانے کا امکان ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔