فیصل آباد: آئل ریفائنری میں آتشزدگی ، 5 افراد جھلس کر جاں بحق

12 گاڑیاں آگ بجھانے میں مصروف ہیں، ریسکیو ذرائع

ویب ڈیسک منگل 9 جون 2020

امدادی کارروائیاں جاری ہیں، جھلسنے والے افراد کی لاشیں نکال لی گئیں۔ ریسکیو حکام۔ فوٹو، فائل

فیصل آباد: آئل ریفائنری میں آتش زدگی سے پانچ افراد جھلس کر جاں بحق ہوگئے۔

ایکسپریس نیوز کے مطابق فیصل آباد کے علاقے سدھار کے قریب آئل ریفائنری میں آگ بھڑک اٹھی ۔ ریسکیو ذرائع کے مطابق آتشزدی سے 5 افراد جھلس کر جاں بحق ہوگئے ہیں۔

ریسکیو حکام کے مطابق ابتدائی طور پر چار افراد کی اموات ہوئیں اور ایک شدید زخمی کو اسپتال منتقل کیا گیا جو جاں بر نہ ہوسکا جس کے بعد حادثے میں جاں بحق ہونے والوں کی تعداد 5 ہوگئی۔ ریسکیو کی 12 گاڑیوں نے آگ بجھانے میں حصہ لیا۔ حکام کے مطابق فیکٹری میں ایک لاکھ لیٹر سے زائد تیل موجود تھا۔