وزیراعظم نوازشریف سے چیرمین پی سی بی شہریارخان کی ملاقات، خیریت دریافت کی

لندن: وزیراعظم نوازشریف سے چیرمین پاکستان کرکٹ بورڈ شہریار خان نے ملاقات کی اور ان کی خیریت دریافت کی۔

ایکسپریس نیوز کے مطابق پاکستان کرکٹ بورڈ کے چیرمین شہریار خان نے لندن میں وزیراعظم نوازشریف کی عیادت کی اور ان کی جلد صحتیابی کے لیے نیک خواہشات کا اظہار کیا جب کہ ملاقات میں وزیراعظم نے شہریارخان سے قومی ٹیم کی انگلینڈ میں مصروفیات پر بھی بات کی۔

شہریارخان نے وزیراعظم کو کرکٹ بورڈ میں ہونے والی اصلاحات سے بھی آگاہ کیا جب کہ وزیراعظم نے چیرمین کی بورڈ میں اعلی ٰخدمات کی تعریف کی اور انہیں کام جاری رکھنے کی ہدایت کی۔

واضح رہے شہریار خان کی چیرمین شپ کی مدت اگست 2017 میں ختم ہوگی۔