کیوی بلے باز روس ٹیلر کا انٹرنیشنل کرکٹ سے ریٹائرمنٹ کا اعلان

17 سال کی شاندار سپورٹ پر سب کا شکر گزار ہوں، روس ٹیلر ۔ فوٹو : فائل

---

MUZAFFARGARH: نیوزی لینڈ کے بیٹسمین روس ٹیلر نے انٹرنیشنل کرکٹ سے ریٹائرمنٹ کا اعلان کردیا۔

روس ٹیلر نے سماجی رابطے کی ویب سائٹ پر ٹویٹ میں لکھا کہ بین الاقوامی کرکٹ سے ریٹائرمنٹ کا اعلان کر رہا ہوں یہ آسان فیصلہ نہیں تھا لیکن لگتا ہے اب وقت آ گیا ہے۔

Today I'm announcing my retirement from international cricket at the conclusion of the home summer, two more tests against Bangladesh, and six odi’s against Australia & the Netherlands. Thank you for 17 years of incredible support. It’s been an honour to represent my country #234 pic.twitter.com/OTy1rsxkYp

— Ross Taylor (@RossLTaylor) December 29, 2021

روس ٹیلر نے کہا کہ بنگلا دیش کے خلاف آخری دو ٹیسٹ، آسٹریلیا اور نیدرلینڈز کیخلاف ون ڈے کیریئر کی آخری سیریز ہوگی۔ انہوں نے کہا کہ 17 سال کی شاندار سپورٹ پر سب کا شکر گزار ہوں جب کہ اپنے ملک کی نمائندگی کرنا اعزاز کی بات ہے۔

واضح رہے نیوزی لینڈ کی طرف سے سب سے زیادہ ٹیسٹ، ون ڈے رنز اور سنچریوں کا ریکارڈ روس ٹیلر کا ہے۔